Amy老師真係好介紹，嗰日買咗部霧化機番屋企。嘩，一用簡直同以前嗰部一個天一個地。
你哋睇下我以前嗰部個樣，就知點解我話以前嗰部機醜樣。冇款又嘈之餘仲好大食，好似架5000cc Benz同架1000cc日本車咁。我之所以要買Amy老師呢部機，就係以前嗰部除咗大食之外仲好嘈，我一用機就畀我老公complain話咁鬼嘈，嘈到心都煩，所以我就將部機收埋封塵。最近因為流感至攞返出黎用，於是又畀我老公哦。睇到Amy老師介紹，價錢又便宜，我嗰架十年前買都要千幾蚊，而家呢架都係千幾蚊啫，於是即刻買。
而家呢架又靜個樣又靚又慳油，最緊要仲係有時間制。我都識少少香薰，以前嗰架冇時間制，香薰油強力直噴，係好快就成間屋都有味，但係就要用好多香薰油，好多時D味會過濃。而家呢架定時定候噴，又可以較噴既力度強弱，唔駛我成日掛住去關機，又唔駛吸入過量香薰。我老公仲冇哦我添。:lol:
嗰日顧住拿拿聲比錢買機，唔知Amy老師仲有支防流感香薰。我見佢上面講嗰堆antiviral油有松木同桉樹，啱啱我屋企又有，於是就噴呢兩樣。噴咗幾個字就成間屋都有味，D味都可以接受，喉嚨又真係幾舒服。
Amy老師，唔該我要order一支防流感香薰油。支防流感香薰油係咪有晒你上面講嗰堆antiviral油呀？
回姥姥，防流感香薰除了樓上說的那六種antiviral香薰之外，還有：薄荷桉、迷迭香、白千層、薰衣草、月桂、樟樹和胡椒薄荷十多種油，牌子Phytosun是我其中一個至愛，香薰女神店有售。
