慧儀網店

豆蜜、蜜糖、香薰等好東西 ‧ 手機訂購方便快捷 ‧
張慧儀
文章: 1253
註冊時間: 2006-05-10, 00:11
聯繫:

慧儀網店

文章 張慧儀 »


我的讀者..

慧儀剛開了一個網店 www.amyc.store,大家可以用手機訂購豆蜜、蜜糖、香薰等好東西。 :)
請您給我這網店提意見,好讓我能從客人的角度出發做得更好。

張慧儀..

carley
文章: 4
註冊時間: 2013-10-08, 12:57

Re: 慧儀網店

文章 carley »

👍 👏

PNJ
文章: 23
註冊時間: 2018-01-27, 21:30

Re: 慧儀網店

文章 PNJ »

睇過你個網店啦、查詢嗰部份去到WhatsApp、但去唔到messenger
啲相影得都唔錯幾好
你前邊介紹豆蜜可以配埋香薰用、咁你咪可以放埋啲香薰喺上面買囉、例如:薑

謝謝提點。已修正。🤓

張慧儀
文章: 1253
註冊時間: 2006-05-10, 00:11
聯繫:

人人口碑 By Word of Mouth

文章 張慧儀 »


徇眾要求,慧儀集合多年來的豆蜜用家留言,貼到這版面讓大家一目了然。
按留言標題可連結到那位用家的帖子去參考慧儀的回應。



108: 2020.06.28 由 jessiel 分享

慧儀,我總共要7樽 豆蜜。

你做的豆蜜好用,個個問我皮膚咁好,我話係豆蜜功效,用完皮膚質感特別好,再搽面霜吸收好咗。
幫我做 facial 個小姐先話 我皮膚好靚,我咪又介紹比佢用囉。
應該11/6有個又問你豆蜜 🤣🤣,就係我去做 facial 另外一個女仔問,我又介紹比佢 🤣,真心好用。



2020.05.24 由 資深豆蜜用家 李女士 分享

張慧儀,我想話你知呢個55克細樽豆蜜個size最啱我,所以今次又訂三套慢慢用。

平時我用水濕面之前,會將個豆蜜樽倒轉,等啲豆蜜流向個樽蓋;濕完面,再將樽豆蜜倒翻轉,扭開個蓋,用手指攞沾住內蓋啲豆蜜出嚟塗上面,好方便。每日用兩次,啲朋友成日問我係咪瞓得多,所以塊面有光澤。 :lol:

我就快74歲喇,最鍾意就係自然,唔染頭髮,洗面都淨係用豆蜜,無再搽其他嘢咖。



2020.05.13 由 PNJ 分享

Amy,我學香薰既朋友突然成塊臉出粒粒,我介紹佢用豆蜜,佢用左都係一個星期咋,就畀豆蜜好評! :lol:
我問佢用左豆蜜未?
佢答:Yes and my skin is so smooth ~ I can't believe it is gentle but effective



2020.05.07 由澳門豆蜜用家 張小姐 分享

用了一段時間,皮膚比較白,潤,色班淡左。
我介紹了给朋友,今次要買9枝200g。



2020.04.25 由 rit 分享

我早上full面+洗面,覺得無咁乾。


2020.04.10 由 echoy 分享

夜晚用潔面油後再用豆蜜洗面
用完塊面唔會覺得好乾秋冬天氣尤其岩用
因為覺得係天然產品比較用化學物質好所以繼續使用



2020.03.10 由 october 分享

囡囡有濕疹,她用了豆蜜幾天,紅的位置有減少,減淡。 本身無事的位,明顯有感滑左。癢仲有,可能因呢兩天始終太濕了。


2020.02.11 由 sek 分享

我的朋友介紹我用豆蜜,用了約兩個月,用豆蜜主要目的是要「靚」。
我的用法是濕面,掃豆蜜上面(由中間至外橫掃),三下面,一下頸
初用有啲敏感,痕痕的,同埋唔小心滴咗小小落洗手盆,結果勁惹蟻 😂
用豆蜜後覺得滑咗,毛孔細咗,白咗。

介紹豆蜜咩都唔洗講,用咗就知好。
( 我都係裝小小給朋友試,都沒說什麼,她們就紛紛叫我幫佢哋買 😂 )



2019.06.05 由 tere 分享

你教我用豆蜜去敷左 同埋 真係每朝去照鏡 係白左有光澤左
臉上白頭或好硬的粒粒係多左但係慢慢佢地可以洗下洗下咁洗左出來



2019.04.23 由 tere 分享

我覺得用咗豆蜜之後,啲皮膚呢好似白左有d位置滑左
但係係右邊面就會有啲一粒一粒一粒好細粒唔係暗瘡,我拗下佢會出左d米粒粒
咁呢啲係好定唔好呢?

你教我如果有暗瘡去敷,係好好
因剛起好痛的瘡,咁我早上用左敷的方法,然後晚上就熟左。訓時再敷真係得左。



2019.01.09 由 Tuen 分享

Amy,

用了多樽豆蜜,它真是很好的產品,讓自己覺得自己愛自己多一些,因為用一些天然的東西,即不對身體有傷害,再加上磨完臉或身後,有一種很順滑的感覺,所以真不可多得。

另外,如我自己身體那一處不舒服,多跟它接觸和關懷,的確是有舒緩的感覺。人的身體真是很奇妙!



2018.10.24 由 LYM 分享

早陣子工作很忙壓力又大,濕疹又發作!皮膚痕癢很乾的,乾到皮膚一格格,粗粗鞋鞋。嘗試用豆蜜當mask敷在濕疹地方,皮膚吸收的十分快,起初一兩次沒什特別。感覺是有點補濕,痕少了,但用多三四次,明顯的皮膚柔軟了不少。少了厚乾的感覺,皮膚上的格仔紋也淺了,希望多用幾次慢慢的進步!☺️☺️☺️


2018.09.25 由 LYM 分享

我是初次接觸豆蜜,因我的皮膚比較薄和敏感,起初是有點擔心。我是用它來做面膜的,在第一次用後感覺上是沒什麼特別,沒有敏感。因為原材料是天然的,也沒有添加劑。
但用到第二次時,明顯的看見自己的皮膚光亮了不少,連暗色和黃氣也去了不少。
之後,也有用慣常的護膚品作保濕。老師也提議我可以用它作唇部護理,去死皮。下次試試的。
很好的豆蜜,既天然又沒有對皮膚造成負擔刺激,會繼續用它 😍😍😍



2018.07.29 由 whc 分享

我自己試了一次 敷面和頸 ,感覺不錯。


2017.10.10 由 豆蜜用家芬姐姐 分享

Amy, 我到而家總共用左兩樽幾豆蜜, 晚晚用豆蜜敷面15-20分鐘。
用左豆蜜之後, 塊面乾淨左、冇咁乾、覺得好爽。
冇咁多暗瘡、油脂粒少左、以前耐唔中有啲一撻撻紅紅地嗰啲敏感而家就冇左、心情好左。



2017.04.27 由 Aikun 分享

Morning 豆蜜
琴日我去做facial, 個美容師話覺得我兩邊面啲毛孔細咗
幫我㩒鼻哥D黑頭時,比以前易推出來,皮膚幼細咗
我諗可能係用咗您洗面一個星期嘅功效呢
不過,個美容師就爭住話我喺佢哋嗰度做facial,唔多唔少都應該有啲功勞喎,哈哈哈!
遲兩日又出發去濟洲踩車喇,本來唔想帶您去,諗諗下都係唔捨得您
睇下下個月再去做facial時,個美容師有咩comment先



2017.01.07 由 芷營小妹妹 分享

其實我之前有用過其他方法去令皮膚好d
但係都5得
我一直都有同媽咪提過不如用豆蜜
但係佢覺得太貴冇理到
然後經過呢次佢更加認同豆蜜ge好處
仲話要介紹比人



2016.12.18由 澳門豆蜜用家談小姐 分享

在此我衷心感謝
您ge 豆蜜
幾年前…因工作壓力
加上更年期卦 :)
面上烏雲密佈
滿臉黑斑…
有幸遇到您
您ge 豆蜜救了我
豆蜜使我可以重新
抬起頭面對人群
面對工作
面對生命 ge 延續信心
面上 ge 斑淡了七成
皮膚明顯好多了…
我不懂如何去多謝您
多謝您 ge 豆蜜
因為我係—個女人
哪個女人不爱美?
真係…真係…
好多謝您呵
豆蜜令我再有信心
面對日後 ge 生活呵 :D



2016.06.15 由 1124 分享

朋友介紹我用豆蜜,用了大約一星期。
用豆蜜的最主要目的是變靚啲…變靚啲…
潔面後洗面用,有時用作面膜敷。
用後感覺皮膚滑了一點,整張臉都有改善。

我覺得,天然有機產品不妨親身試試…就算最終得不到你預期嘅效果都一定唔會有咩唔好嘅影響囉^^



2016.05.12 由 ahong 分享

用了豆蜜後感覺身體輕了,因為幾分鐘已幫我去除身上的死皮。
用豆蜜前不停抓,用了豆蜜後2日濕疹部位已淡了很多。
3月26日只想不用類固醇醫好濕疹,用了之後覺得好開心,因為唔洗再搽類固醇。

用豆蜜要飲足夠水,在12am :P ,濕疹要戒海鮮、蛋、菇、花生、生冷野,牛肉,牛奶。



2016.04.01 由 yhl 分享

我在D2行街見到豆蜜,用了1個幾月,主要用來改善皮膚質素。
每日用豆蜜洗臉,通常隔一日用來沖涼。用了豆蜜後 - 白!身體比以前輕鬆。
濕疹位置減少,亦唔痕,斑淡左,人開心左。
用左一段時間之後發覺味道由唔好聞變到充滿濃郁既蜜糖味,身體各方面既感官比以前敏銳。



2016.03.31 由 sik 分享

我在九龍灣第1屆手作展認識豆蜜,用了半年,主要是去額頭暗瘡。
我用豆蜜的方法是面部及手部濕水, 取少計豆蜜, 手板簡單搓3至4下, 塗上臉部, 等1分鐘, 用水沖淨。
用後很舒服及面部感清爽潔淨,發覺毛孔細了, 長暗瘡情況有改善,少了煩惱面部暗瘡而且自信了。
我覺得豆蜜真的好好用, 用了之後可以棄用市面上的潔面產品, 而且我相信可延緩皮膚老化。



2016.03.28 由 psyp 分享

我在美孚農墟認識豆蜜,用了5年,就要是用來作面膜和洗髮。
洗髮: 當洗頭水和護髮素用。
面膜: 潔面後磨砂。偶爾會加入精油使用。
用後,頭髮柔軟舒服,沒那麼硬和少了頭泥,皮膚磨砂後比較亮白和持久
試吧,一定有效果的



2016.03.19 由 甜橙的dreammaker 分享

我用了豆蜜2周,主要的去除左腿腘窝和大腿根的湿疹。
睡前沾湿患处-涂抹豆蜜-用医用棉布包裹-睡一夜后用湿毛巾擦干净。
用豆蜜後,不像以前那么痒,以前肥厚的湿疹处皮肤开始表平滑,整体面积略有缩小,湿疹患处改善。
我好像就是不会因为湿疹而烦扰,不会因为痒烦躁,而且觉得有望恢复正常的皮肤,可以穿裙子,心里挺开心的。
我觉得豆蜜操作方便,见效快!



2016.03.16 由 win 分享

我用咗兩天豆蜜,用嚟洗面真係好乾淨 :) :) :) 又香又甜,令我好想食 :P
如果去trip 用樽仔裝d去ok 嗎?是否一定要玻璃樽?
win,用來裝豆蜜出trip的樽仔不一定要玻璃樽,但一定要密實。 :wink:

可否做可以吃嘅豆蜜呢?我相信一定好受歡迎 ❤️



2016.02.14 由 rita rita 分享

Hi, Amy!

我用咗豆蜜大約一個月,朝朝敷左豆蜜上面就去刷牙,刷完牙就好似你教咁樣磨下個唇至洗面。
我發覺用咗之後白淨咗,滑咗,乾淨咗,同埋出完瘡啲印去得快咗,皮膚光令咗。
早兩日我去旅行好曬,返去酒店敷多咗一陣豆蜜,發覺效果好好,冇平日曬完咁傷,冇咁乾同埋黑。
仲有係化妝啲粉好貼。



2015.07.19 由 peps 分享

我初用豆蜜時,第二日已有同事話我面色光澤左。現時每天早晚各用一次豆蜜做清潔,已成習慣,每次用完,我都覺得心情輕鬆愉快,而且皮膚越來越好,試過幾次我在大陸出差時,有些第一次見到我的同事,第一眼就忍唔住話:嘩,你的皮膚好靚喎!我都不懂比反應佢,只係笑!真係要好感激豆蜜主人用心製作豆蜜,令我可以每日皮膚靚靚,心情又靚靚


2015.06.13 由 小小柔 分享

還有……自第一次接觸豆蜜洗面至今,短短8天裡
我可算是……
我重未如此勤力過 :) :) 堅持早晚都有用呀
就算早上好趕時間也都照樣有用 :D
因為以往的我……有時也會有懶得唔洗面~就去瞓的習慣 :P

還有堅持做了幾天『全身排毒』感覺好淨化
那說不出的感覺~留待在排毒版面,再留言 :)



2015.06.13 由 小小柔 分享

哦~是的 :) :)
謝謝提醒^^
我常常講嘢以為人會知道我講乜
一想起乜就講乜的我~也常常撞板 :P
我常常無為別人諗多一步~從別人的角度去睇嘢
所以呢一點我也要好好學習 :P :P

好^^就讓我清楚說一遍……
當我响格仔店買完之後~我回家都有用
可惜錯了方法
好釆第二日响樂富見到你親身教授~之後
先知點樣係做啱 :) 仲有連續用豆蜜做面3天
先用水濕面~用大約半匙豆蜜敷了塊面~都厚厚地~敷時間約15-20mins
之後用小小水洗完走落雙手
~就用洗落手掌餘下的蜜豆再順時針按埋個肚位~點解要按個肚? :roll: 因為我剛去排便便~所以都順便按下~(雖然我未學按摩)

我確係覺得塊面無咁腫同白左
我用乜嘢嚟量度?只係自己望自己咋^^

人地見我都確精神左同話靚左 :D



2015.06.09 由 小小柔 分享

我由見到你之後都有連續做了3天
~仲敷了厚厚地~15-20mins
用小小水洗完~再按埋肚
小小柔,做人要清清楚楚:
「仲敷了厚厚地~15-20mins」 - 厚厚地敷邊度15-20mins?
「用小小水洗完~再按埋肚」 - 同小小水洗完邊度,用乜嘢按埋肚?

我確係覺得塊面無咁腫同白左
用乜嘢嚟量度?
人地見我都確精神左同話靚左 :D



2015.03.16 由 vicol 分享

用上豆蜜差不多接近2個月的時間了,本人是屬於敏感性加濕疹皮膚,面部經常容易發紅,最初無意間認識豆蜜,見全是天然有機成份,就膽粗粗嘗試了。

由於本人是極敏感肌膚關係,稍不合用都會立刻展現出來的,但用上豆蜜後並沒有出現任何不適情況,而且面色明顯比以前好多了 ☺️,因此令我對豆蜜就越來越有興趣想了解多一點。

後來見有用家分享豆蜜的用後感,更意外發現原來豆蜜可以用來洗頭髮的,(本人從10多歲就已經有白髮及近來脫髮情況也比從前嚴重,可能是經常染髮的原故吧),因此便立刻問主人使用方法,由當初半信半疑(心想:蜜糖是甜的嘛!又不起泡,如何洗得來?)但....一試無況嘛,我亦開始嘗試了,一試....就愛上了 :) 。遠離化學品的感覺實在太好,現在脫髮情況有改善,白髮也感覺到比從前生長速度慢了,真的想分享給更多人能認識到豆蜜呢!當然自己亦很高興認識到豆蜜及主人。 :D



2015.01.03 由 zoes 分享

我而家嗰個豆蜜沖左第4日,而家隻腳白咗,滑咗添呀,之前嗰舊番梘唔算太好嘞,番梘好dry。


2014.10.18 由 ruby 分享

用左1年多,天天早晚用。最鐘意用來洗面,有時會加薰衣草。面部皮膚感覺好清潔,洗完面之後仲好潤,面色好左又滑左。好開心有這個天然的豆蜜代替洗面膏!


2014.09.24 由 miffy 分享

13-14歲中學生最常見皮膚問題皮膚差、青春痘多……

今日見到張慧儀,覺得很善良,想不到有學手語可以對聾人溝通,她的皮膚太好,不像老年人,真像青年少的皮膚第一次見的。

點解會買豆蜜?
自己的皮膚差,有很多暗瘡印和青春痘,想買下試點樣。

西九格仔點吸引我地試豆蜜?
豆蜜可以免費試下擦皮膚。真變白咗!
店員介紹豆蜜很好,可以買15g豆蜜回家試下。

覺得咁樣推廣豆蜜好嗎?
當然好,可以給青少年、成年人試下豆蜜感到好!



2014.09.24 由 yingying 分享

豆蜜是甚麼?從沒聽過的多功能的天然護膚用品,還要沒有過期期限,能夠吃下,聽下還被吸引。
我在西九龍七樓的格仔店仔細地想,最後決定試一試,買下15g的豆蜜。

回家都沒有人看好也沒聽過……還是堅持試一試。
過了幾天後,跟老師吃早餐,竟然他說我的皮膚白了、光滑了。

我一直有跟賣家聯絡,她一直都很好人,回答很多問題,畢竟第一次用護膚產品嘛!

因為豆蜜我早晚都開始習慣潔面及刷牙。
13-14歲中學生問題最多一定是可怕的青春痘,豆蜜可以令它復原真神奇呀!

張慧儀呢個人點?
一個皮膚很好,連13歲的我皮膚都比不上她的人!真是太強了,耐性都很好。



2014.09.23 由 老晴 分享

豆蜜與倒甲

話說... 我十幾歲人已經係一個長期病患者。唔好誤會!我其實係一個倒甲嘅長期病患者。雖然唔係一個好嚴重嘅問題,但俾「佢」咁困擾咗十幾年,咪話唔辛苦。其實呢樣嘢真係好靠彩數,好彩就可以即時整倒出嚟,唔好彩就慘,整唔倒不但止,仲一路咭住,搞到腫晒同發炎,有時仲會流膿。

就喺一個風和日麗嘅朝早,我一起身,第一樣唔係去廁所,而係即刻摷晒啲架生出嚟,幫我隻痛腳指公做「緊急手術」,點知搞咗成個鐘都整唔倒,唯有暫停治療,等「救兵」夜晚幫我整。你一定會問邊個係救兵!登登登登...... 佢就係我嘅工人姐姐,佢整呢啲真係一流,我有時整唔倒都會搵佢幫手。

點知「天意弄人」,連佢都整唔倒,佢話可能插得太深或者腫得滯,整唔到。呢個時候,我已經無晒信心,跟著又諗起我有個friend之前又好似因為咁,而真係入咗醫院做手術切開佢。我老豆仲要雪上加霜,話要掹咗成塊腳甲落嚟,仲話我再唔理佢,就會因為發炎而要切咗隻腳指或者隻腳落嚟,我嚇到三魂唔見咗七魄,日又諗,夜又諗,終於我阿媽就建議我去搵「高人」。我相信你又會問「Who is高人?!」「高人」就係之前Amy介紹我去一個專門修甲嘅人,佢都幾勁架!佢同「救兵」都可以話係我啲腳指嘅「救命恩人」。

點知......高人真係高人,「高」到人影都唔見埋。你問我咁點?即係話我同我啲腳指無晒希望,兩個字 - 等死。有一刻,我有諗過好唔好睇西醫,因為情況實在太緊急,一來痛,二來就快開學。

而呢個時候,我已經痛到連踩住地板都痛,我出街都要著拖鞋。有一日,我就著住拖鞋咁去嫲嫲屋企,其實著拖鞋都咪話唔危險,俾人踩一腳,真係痛過俾十枝針同時插落自己大脾到。咁啱得咁橋,Amy打番嚟同佢親愛嘅母親大人傾計,跟萫就同我傾,佢問我有咩搞作,但我成個腦都係得我隻腳指,我唯有一字不漏講晒俾佢聽。

點知,佢語出驚人,佢好淡定咁話佢有計,而處於苦海嘅我梗係即刻豎起隻耳仔聽啦!傻嘅咩,得唔得都聽咗先嘛,唔好蝕底。而呢次對話可以話係Amy對我做過其中一件最偉大嘅事,令處於苦海嘅我,即刻上天堂。

佢話叫我番屋企沖完涼之後,擦一pat豆蜜喺隻腳指度,跟著搵啲嘢包住佢,敷住佢。我初頭都唔係好信,好似好兒戲,不過對走投無路嘅我,只好試一試,我即刻偷咗爺爺啲紗布,諗住番屋企做下呢個實驗。

點知,我做好啲程序,先發現Amy講漏咗個Main point俾我聽,佢竟然無話俾我聽要敷幾耐,我只好敷一集 ‘running man’,敷咗差唔多兩個鐘,原本諗住訓咖啦,但係突然諗起我隻腳指,所以就即刻洗番晒佢,跟著訓教。老實講,我有啲擔心啲豆蜜會攝晒落啲腳指同腳甲之間嘅罅到,跟住夜晚會俾蟻咬。

點知,神奇嘅事發生喇!我洗完之後,發現無咁腫同痛。訓完一覺之後,我覺得已經無咁痛,但係硬係有啲嘢頂住。於是,我再拎番起我啲架生,點知一「了」之下,啲膿好似火山爆發咁流晒出嚟,跟著我隻腳指就係咁重生了。

大概一個禮拜之後,我之前倒甲嗰隻腳指有一塊硬皮出現咗,我好想掹走佢,但係一掹,痛到飛起,而見證過「豆蜜」嘅神奇力量之後,我又心郁郁想試下,但係今次我學精咗喇,Amy原本同我講話可以敷成晚,但係對反訓嘅我嚟講,確係有啲難度,我只好敷兩集 ‘running man’。果然,豆蜜又成功咗,我第二日好輕易就掹到出嚟,舒服晒!



2014.09.19 由 tobe 分享

8月底時遇上AMY推介豆蜜, 用左幾天後已經發現下巴位置既斑淡左 :D , 覺得真係好work! 馬上去格仔舖再買左樽大既!亦都推介左俾有濕疹既朋友, 希望佢都可以改善到皮膚啦 :)


2014.08.13 由 afung 分享

人人都說豆蜜好,但我敷上面,會產生敏感,起左小粒粒,於是第二日,我敷在手肘處同樣起了三小粒粒,但阿仔無此情況,這樽嘢反而成為阿仔的恩物 :D


2014.08.12 由 jpoon 分享

上次已購三瓶,每天早晚用来敷臉後清洗,肤質好很多,謝謝你的産品


2014.07.08 由 wonglau 分享

6月8號嗰日同個女去馬寶寶market,諗住行下睇下有冇乜嘢買,買啲有機嘢。
哈,經過一個檔口見到個檔主好有笑容,介紹我試唔試下呢種產品叫豆蜜。
咁我試過又幾好喎,佢又解釋得好清楚喎,盡管試下啦。

買左返番屋企用,就感覺洗完面好清爽。咁我先生用完都覺得好好,因為佢本身個面部都油份多啲,但佢洗咗都好清爽,感覺都白咗一浸,我地兩個都感覺白咗一浸。我都有用過嚟試下捽過個身,覺得好舒服,所以我都會推介豆蜜畀啲朋友,覺得豆蜜非常之好。
我感覺自己好好彩用到呢個產品。



2014.06.27 由 divine 分享

I have been using mung honey for three weeks. It is a good product.

I got some little white bumps under my eyes and thought maybe mung honey can help. I am busy, so I just use mung honey specificially under my eyes twice a week for 15 minutes each time. After two weeks, I see the colour under my eyes become lighter and some white bumps disappear.

I will introduce mung honey to my friends.



2014.06.25 由 funfun 分享

用了白豆份量,不知是否臉弄得太濕(小小滴水)感覺搽唔混塊臉,覺得有D位置未必洗乾淨,有無需要加多D份量呢?


2014.06.09 由 豆蜜用家 劉小姐 分享

用左豆蜜頭髮真係濃密左


2014.04.16 由 Crystal 分享

可憐的我,仲係好大粒。我用豆蜜加膠布封住佢一晚,希望明天消腫。
我明天再try try。 :) 你應該揾我做例子比人睇下。



2014.04.15 由 Crystal 分享

最近暗倉很嚴重,豆蜜都幫唔到我。我化了妝,但都睇到面生大暗倉,頭生左好多細倉。好耐無試過咁,搞佢地唔掂。
我返屋企影我落妝比你睇,一定嚇親你。 :cry:
其實豆蜜每日應用幾多次?
我只晚上用,朝早夠趕。我今晚會不用護膚品,明天早上再用豆蜜洗面。



2014.04.10 由 sasa 分享

我想問用豆蜜洗頭的方法和份量,謝謝!


2014.04.10 由 edan 分享

我買的時候想給患濕疹的女兒用,剛巧自己腳面也有一小塊濕疹,於是先試試看,但不大有效。是我用得不適當嗎?但我用豆蜜洗臉,卻也覺得還可以。


2014.03.11 由 rayling 分享

我昨日做面膜之後無搽護膚品覺得乾, 係咪我用既份量唔夠呢?


2014.03.11 由 rayling 分享

你好, 昨日剛買了, 想請問洗面及面膜用量, 一茶匙是平匙或是滿滿的?
請問洗面/面膜後需用護膚品嗎?



2014.03.02 由 菇BB 分享

千萬別被這綠色糊狀賣相麻麻的豆蜜外貌嚇倒!!!它對於我來說,用途多的是呢:潔面、磨砂、面膜、治理濕疹和傷口,是非常有效用的,現來已成為我的每日必用恩物了……

這緣份始於去年12月,跟姐姐到東京旅行,當時適值是日本的初冬,天氣寒冷及非常乾燥……

其實我這年多以來,臉上患了濕疹卻屢醫不愈,真的感到苦惱不堪…… 已睇過城中有名氣的皮膚科醫生,重覆地食藥,搽類固醇藥膏也沒有太大起色……

當日試過姐姐介紹給我用這豆蜜(原來她已使用了一段時間,即使出門也攜帶了一小瓶旅行裝方便使用!),真的感覺到,皮膚開始有了反應 – 是一個好的開始!!!有消炎、美白、活膚之作用哩!!!

剛開始時,用水洗濕了臉,只用少許貼在臉上的濕疹患處,待2分鐘後沖洗;後來又試敷於整塊臉上,過2分鐘後沖洗;再試一星期內,用作磨砂,如按摩皮膚數分鐘,然後沖洗;現在又嘗試每星期當面膜般敷上10分鐘,然後清洗,感覺很relax,舒緩,清新,皮膚好像呼吸到新鮮空氣一樣!!!這是慧儀姐姐教的,很work啊!!!

有興趣的話,不妨試試?!你或許會發掘到更多豆蜜的好處和功用,到時更可大家一同分享?!
但記著:千萬別心急,那效果不是一日就見效,要對豆蜜有信任,加耐性,仲要自己keep住努力去用,那成效就是累積得來的一個寶貴經驗了……



2014.02.18 由 wendy 分享

我一用就生細細粒喑瘡,試左3日每日都有生,依家成4、5粒


2014.01.18 由 張慧儀 分享

感謝澳門電台「生活朝點」節目主持梁麗娜小姐於2013年11月30日來塔石藝墟訪問慧儀。
有關豆蜜的身世,我在訪問中已說得七七八八了。
按此連結 >>> 訪問重溫



2013.12.07 由 Crystal 分享

在一次朋友的飯聚,突然見到佢啲皮膚係無化妝既情況下好靚好有光澤。細問之下,原來佢用左豆蜜。第二日佢比左一小樽我試下,我返屋企立刻試用,洗面後發覺自己白左好多,皮膚好滑,仲要唔會有乾既感覺。
我立刻去左Amy既格仔鋪買了兩樽,至今差不多用了三年,出少左好多暗粒,我到而家都仲不時會推介比朋友。當然佢地既反應都好好,希望有更多朋友可以認識到Amy既豆蜜,用天然既嘢,愛自己。



2013.10.01 由 ccam 分享

我用了豆蜜4個月。

我打高爾夫球的。打球的人的手背會在推桿時曬黑,皮膚也會變乾。我把豆蜜也用在手背上,現在皮膚的狀況也明顯地變好和變白了,沒有了「一截」明顯的黑色。

最近,我不幸地感染了「手足口病」而要隔離在家。兩星期以來不用工作,不用化妝之餘,我每天早晚用豆蜜洗臉,完全沒有用上任何護膚品,包括睡前。然而臉部皮膚的保養卻依然很好!



2013.08.12 由 kanako 分享

"I got canker sore, which had started 4 days ago.
On the day 3, when the pain was peak, I applied Mung Honey on the spot, hoping it would reduce inflammation.
When I woke up on the day 4, I have no pain and the canker became smaller ! Thank you, Mung Honey !
It is best to apply Mung Honey just before going to bed. Otherwise I tend to lick Mung Honey off."

In Japanse:
"4日前から口内炎ができはじめて、とうとう3日目に痛みがピークに。そこで消炎作用が効くかもしれないと思い、Mjung Honeyを口内炎に塗ってみました。
翌朝起きると、口内炎は小さくなって痛みはすっかり消えていました!Mung Honey ありがとう!
Mung Honeyを口内炎に塗るならば、寝る前が一番です。起きているときはつい舐めてしまうので長い時間口内炎にとどめておくのがむずかしいからです。"



2013.07.19 由 ccam 分享

我已經用了兩樽豆蜜洗臉,大約三個月的時間,發覺與之前我認為洗得最乾淨的cleansing foam比較,豆蜜洗完臉那種乾淨的感覺更加明顯,滲入皮膚內部更深層,真是乾淨過乾淨。因為有比較,這是我繼續選用豆蜜的原因。

其實我比較懶,只係夜晚用,但我都覺得鼻兩邊和眼底下那些部位的毛孔沒以前那麼粗,整塊臉的皮膚都比之前細緻。如果我夜晚不是用豆蜜去洗臉會有種不太乾淨的感覺,習慣了用豆蜜洗完臉那種乾淨的感覺就不再想用其他cleansing foam。

剛用豆蜜的人應該由最basic洗臉開始,最基層的洗臉是每天都要做的事,先做洗臉。因為皮膚清潔那種感覺令人好舒服,跟著再慢慢用豆蜜做面膜或其他,要有耐性,沒可能一日就會好。我覺得要有耐性,洗臉開始,跟住我就發現豆蜜敷在臉上耐一點就變成面膜,豆蜜敷咀唇耐一點可以令咀唇沒那麼乾涸,原來連對眼也可以敷耐一點豆蜜變成眼膜的,總之要有耐性,不要心急。



2013.07.15 由 kanako 分享

Dear Amy,

Yes ! Both Nanaco and Kazuhide have been free from sunburn pain after applying Mung Honey just once.
On that night, I applied 10 % lavender diluted in sweet almond oil after the bath time.

I am convinced how Mung Honey is helpful for skin troubles.
Amy, thank you for introducing me Mung Honey at the conference.

Kanako



2013.07.15 由 kanako 分享

Dear Amy,

Mung Honey, wonderful !

Yesterday, Nanaco and Kazuhide got sunburn at a swimming pool.

圖檔
The above picture shows Nanaco and Kazuhide being applied Mung Honey in the bathroom.

They couldn't soak themselves in a bathtub for pain.
But after applying Mung Honey for 5 to 7 minutes on the sunburn skin, they didn't feel pain in the bathtub !
Seemed the inflammation has been relieved by Mung Honey.
My children love Amy's Mung Honey

Yours,
Kanako



2013.06.29 由 kanako 分享

Dear Amy,

Mung Honey has just arrived now ! Great!
It had reached at my house yesterday evening. At that time no one was at home, and I ordered post office to resend me today.
If I was at home then, the Mung Honey took 4 days to reach me. So it doesn't take long for mung honey to travel from Hong Kong to Japan. :wink:
The pack was passed to my hand from the postman. So the Mung Honey was not left in the mailbox.

Amy, can I drip the new mung honey over the rest in the bottle ?
Or should I drip the new one in a clean new bottle ?

Best regards,
Kanako



2013.06.04 由 Kanako 分享

Hello Amy ! 

Thank you for your answers !!
I am going to tell you how efficient Mung Honey is on my face skin.

I enjoy using the Mung Honey at bath time.
I am sure that Mung Honey has helped my cheeks, which are tend to get dry, maintain their natural moisture.
While I applied the honey on my face for only a few minutes, I didn't realize it.
But when I applied for 15 mitutes as you recommended, the honey worked superbly !
I feel slight itch under the honey musk. I guess it is because of its osmotic pressure is higher on the damaged skin.

Amy, will you suggest me how to use the greenish layer ?
At the conference, you taught me that bottom layer in the bottle is good for something. 
I am sorry I can hardly remember it,,, 

Best Regards,
Kanako
 


2013.05.28 由 Kanako 分享

Dear Amy, ,

Thank you for taking time out to answer my questions 

Actually, Nanaco fell and hurt her knee.
And I applied 2 % Lavender essential oil in sweet almond oil on her knee as soon as she returned home.
It is nice to know that we both think of the same treatment in that case.
If you were me, what percentage of lavender you would apply on such a wound ?
I used 2 % of lavender, since the wound gets sharp pain with 100 % lavender oil.

Thank you for your advice how to use Mung Honey for my face.
I will use it as a musk and let it sit for 15 minutes ! 

Amy, I admire that you are working on projects one after another ! 

Best regards, 
Kanako
 
 

2013.05.27 由 Kanako 分享

Dear Amy,

Thank you for answering for my questions.
My daughter, Nanaco, enjoys applying Mung Honey by herself. 

Along with Mung Honey, I tie her long hair in order to have her neck and back free from stimulation.
Now her neck has no heat rash. 

She skinned her knee today.
I didn't apply the honey on the knee, thinking it would smart.
Can she use Mung Honey on her knee to cure ? 

For myself, I enjoy Mung Honey every bath time.
I apply it on my face and neck, hoping anti-aging.
After taking bath with the honey, my face needs face cream to prevent from drying.
My face is easy to get dry for many years.
But while I was in Taiwan, my face didn't need face cream after taking bath with the honey.
Therefore I guess the difference of the water makes the difference on my skin. 

I hold lessons on aromatherapy a few time a month, at my house.
I enjoy teaching how to use essential oils in the dairy life for the people who just began to study aromatherapy.

I hope the more and more people get interested in aromatherapy, and the day may come medical facilities welcome high-standard aromatherapists like IFA members. 

Thank you, Amy. 
Keep in touch 

My best regards, Kanako
  


2013.05.21 由 Kanako 分享

Dear Amy,

Thanks to your advice, I will let my daughter apply the honey by herself.
Now she is free from chapped skin from the dry climate.
But her perspiration began to cause her a rash around neck.
Tonight, I applied Evening Primrose oil (Oenothera biennis) on her rash, hoping to ease itchy skin.
I will see whether it worked or not next morning.

Amy, is Mung Honey good for the heat rash skin, too ? 
May she apply it on her neck ?  

I am curious to know what ingredient of mung bean works on trouble skins.
How did you learn the efficiency of Mung Honey ? Something like grandma's wisdom ? 

I am happy to keep in touch with you, Amy !
 


2013.05.20 由 Kanako 分享

Dear Amy, 

Mung Honey is sitting next to my bath towel.
And I often think of you whenever I open the bottle.

Yes, Amy. I enjoy your Mung Honey everyday at bath time. 

I applied Mung honey to my 6 year old daughter whose elbows had the itch for sensitive dry skin.
She said that her chaps on her elbow got pain when honey was applied.
So that I use the honey on her dried part of skin such as shoulders and tummy.
Now she is free from itches.
I think the honey and passing the climate (from Spring to Summer) helped her keratin condition increased.

For myself, I like to use it as the soft scrub on my chest, shoulders and neck.
The texture of my skin improves.  

Now I am going to try on my friends, and then to my clients. 

I am looking forward to reading your article on the coming IFA magazine !
I was asked to write an article on the Taiwan conference by the IFA office.
I would love to mention about our friend ship and how I enjoy your honey.

I hope our paths will cross again in the future, keep in contact please. .
________________________________________________________________________________

Munghoneyをいつもバスタオルの隣に置いてます。
蓋を開けるたびに、エイミーに会った時のことを思い出します。
バスタイムで毎日使っていますよ。
自分だけじゃなく、6歳の次女も使っています。次女は内ひじが乾燥のために湿疹になっていて、そこに塗ってみました。
すると、次女は「しみるぅー!」それで掻きすぎている内ひじはやめて、乾燥の目立つ肩やお腹に塗ってあげました。
Munghoneyを使ってきたことと、季節がら乾燥した冬が終わり、春になった事もあってか、かなり乾燥肌が落ち着きました。
私自身はmunghoneyでデコルテと肩にスクラブをする使い方が気に入っています。
とても肌がなめらかになります。
今度は友人にも使ってもらいたいと思っています。その次は私のクライアント(アロマセラピー)にも薦めたいと思っています。



2013.03.25 由 張慧儀分享

豆蜜用家 meow meow 跟慧儀分享,說自己一向頭髮稀疏,用豆蜜洗頭一段日子之後,長出很多幼髮,現在頭髮變得濃密多了,所以她非常樂意與同事朋友分享她的豆蜜生髮故事。

有頭髮少的同事問她豆蜜是否真的有用,她好心送了一點豆蜜給這位同事。這位同事用過豆蜜,發覺效果很好,訂購了豆蜜全家齊齊用。有朋友見她說得豆蜜這麼好,就送她一包綠豆粉,叫她自己造。

這位同事問meow meow:去邊度買生蜜呀?可唔可以用麥盧卡蜜糖呀?可唔可以用普通蜜糖呀?

我聽 meow meow 講完之後,相信有可能我說得不太清楚,現在再講一次:
第一、 綠豆粉一定要新鮮磨的,不要儲存太久,所以我每一次都是小批量製作;
第二、 所有原材料與生產過程一定要乾淨過乾淨,非常清潔,所以綠豆和生蜜都要是有機的;
第三、 大家若有看我這個討論區都會知道我找生蜜找得很辛苦。
   生蜜在這個地球上愈來愈少,而有機生蜜就更加少。
   現在我為大家造豆蜜每次要訂的生蜜的量都不少,才可以取到一個好一點的價錢,才可以用現在這個價錢賣給大家。

所以,若您自己想在家造豆蜜來玩玩的話,不妨用其他蜜糖,您一定可以造到豆蜜的樣子出來,但您要冒一個險,就是如果您的原材料是污糟的話,您將一些污糟的東西放在一個您有問題的地方,效果就有可能適得其反。



2013.03.25 由 dchung 分享

Amy:

我用了在堂上拿到的那一小盒香薰豆蜜來洗頭,覺得好正好正好正。我平日洗頭會用洗頭水和護髮素,但用豆蜜洗頭沒有加護髮都可以。洗完頭頭髮沒有即刻變得柔軟,但又沒有硬到很難梳理。頭髮是有你所講的豆蜜粒粒殘留,但我覺得沒問題,第二天覺得頭髮好清爽,好正。

我的腳面有濕疹,間唔中會痕,聽你說豆蜜可以舒緩濕疹,就用黃豆大的豆蜜搽在腳面濕疹位,半日才洗去,用了三日。今天記起,發覺用了豆蜜之後真的沒有痕。

Debbie



2013.03.12 由 wluk 分享

張慧儀小姐, 

很高興認識豆蜜。今天試敷在手背後覚得很滑和白。我會嘗試給小兒用希望可改善他的濕疹和面上的豆豆。

陸美芳



2012.10.31 由 gleung 分享

您好!我第一次接觸豆蜜,已經是幾個月前了,因趕時間而沒有再細心看清楚豆蜜是什麼。我於上星期日因為等外賣而又再一次走進那格仔店裏,由細到大,我的皮膚都沒有大問題,連暗瘡也很少出,可以說是皮光肉滑,在這3,4個月不知出了什麼問題,面上不停地長出暗瘡,我想我這年紀應該不會這樣出暗瘡,由於太嚴重的原故,我只好找皮膚科醫生,食了4星期的抗生素,暗瘡沒有停出,只是好了一點點,而醫生給我的藥膏很乾,暗瘡位置都,脫皮,心情真的很差,繼而是暗瘡印,醫生給了我去印膏,我用了一晚,暗瘡位置就紅了,所以便沒有再用了。而當我再次見到豆蜜,抱著試一試的心態,到今天已用了三天,每天洗面後都當mask用,雖然未見到明顯效果,但希望keep住每天用及食中藥,可以幫到我。我遲點再跟大家報告我嘅情況吧。謝謝張小姐的安排及回覆,麻煩您哦


2012.07.05 由 Catherine 分享

今日幫張小姐送豆蜜同赤萁茶畀訂咗貨既讀者。豆蜜能量高、功效好,我不嬲都知,不過諗都無諗過竟然會有人偷豆蜜,真係奇怪。

事原係我喺港鐵車廂內到達中環站轉車去上環時,成車人落剩我同埋坐喺我隔離個女人,我就話左一袋右一袋論論盡盡咁喺度執緊嘢,但坐我隔離著綠色衫嗰個女人仲坐喺度。我無乜為意佢,淨係有啲奇怪點解佢坐喺度仲唔落車,等我攪掂落車嗰陣,我將其中一個袋揹上左邊膊頭時,個袋就碰到佢,有種怪怪既感覺,但因為趕時間轉車去上環交收,所以就冇理會。到咗上環站交收後,再點算豆蜜時,就發覺用透明膠袋裝住四瓶細嘅豆蜜唔見咗。

豆蜜都偷?我怕佢偷咗都唔識用喎。既然都偷咗咯,但係又唔識點用,不如呼籲該位女士上張小姐嘅網站,睇吓豆蜜點用,無謂嘥咗D咁正嘅豆蜜吖!



2012.07.04 由 meow meow 分享

喺天星識咗張慧儀,大家都係手作仔,又幾啱key,留咗個電郵畀佢。見佢有豆蜜訂購就訂樽嚟試下。
用喺塊面度,嘩,好乾淨,真係從來都未試過咁乾淨。我沖涼嗰陣攞一個指頭咁多既豆蜜鋪上塊面度,係咁捽係咁捽係咁捽,跟住等一陣,沖身嗰陣時由頭沖到落腳,差不多5分鐘度,沖完個身至洗面。用咗一個禮拜之後就覺得,嘩下,用下用下咁咪有機會去番10年前嗰陣時嗰個樣?而家用咗兩個幾禮拜,覺得都差唔多去到嘞。
第一次幫我老公做mask,佢話:「嘩,好乾淨喎,黑頭都清埋呀。」跟住佢就提議話:「你估搽落個頭又得唔得既呢?」我話:「唔知喎,要問下張慧儀至知喎。」
喺佢個網站度見到有人話用嚟洗頭就又試下。死嘞,沖水嗰陣D頭髮咁糠,咁點算呢?
咁沖完之後我諗住:最多下次唔用啦。但係又唔係喎,梳頭嗰陣時好順滑喎,又冇乜點甩頭髮喎。過咗一兩日之後就好痕,我同張慧儀講起…
佢話:唔係咁樣呀,唔駛用洗頭水同護髮素呀,就咁樣直接用豆蜜就得啦。
咁我咪照佢講,隔日用豆蜜洗頭囉,洗濕咗D頭髮就用豆蜜直接擦佢。
到晏晝個頭乾咗嗰陣時就即刻痕到飛起,但係D頭髮就柔軟咗,稀疏既部位就出咗D幼幼哋既毛毛,嗰陣時用咗大約一個禮拜,隔日用。到而家已經用咗兩個幾禮拜,連我老公都話:「咦咦,你D頭髮真係多咗喎,又黑咗喎。」
佢仲話:「我都好想試呀,呢樽嘢貴唔貴架?」我話:「唔貴,每次收你一百蚊,不過見係你,夫妻價五十蚊啦。」佢話:「咁巴閉?我自己買樽。」
我同佢講:「你咪買囉,你又唔識人。你知唔知呢樽嘢好巴閉,要識人至買到架。」
我好細個D頭髮已經係好稀疏架嘞,係家族遺傳,成家人都係咁,尤其係我。出嚟做嘢之後,我成日電髮,電爆炸頭,電到佢好蓬鬆,咁D頭髮睇起上嚟咪唔覺咁少囉。我決定今年唔電髮,慳番D電髮既錢去買豆蜜。 :roll: :roll:



2012.03.15 由 wlhk 分享

Amy,我介紹朋友用豆蜜,請看以下內容:
我朋友:我開始用豆蜜洗面,每日一次,皮膚不會覺得乾,看來它也合適我用呀。
    多謝妳的介紹
我答覆:不用客氣最緊要啱用! :P
Wai-wai



2012.01.12 由 wlhk 分享

Dear Amy, 
我有個朋友的姨甥孫成身都是濕疹我現在介紹她用豆蜜,但請問你在天星有沒有得買?
惠惠
 


2011.11.28 由 strawberry 分享

Hi Amy,

踏入冬季,皮膚好易乾燥, 身題低抗力差,好易有濕疹出現
又紅又痕又少許痛, 我見施姐姐有"多元豆蜜" 推介,我就不防
試下, 每次洗澡時不可用太熱的水, 要用溫和水, 唔係濕疹
位置就會痛同痕癢, 可以用" 多元豆蜜"輕輕按摩全身,
你可在濕疹位置塗厚一點,等待15分鐘,用溫和水沖洗. 第二朝早
起身會發現濕疹位置淺色點同冇甘痕癢, 試左幾日,濕疹位置會
慢慢消失了,最重要都要有充足睡眠! :lol:



2011.11.08 由 juliar 分享

I love the Multi-purpose Mung Honey! I use it morning and night as a gentle face scrub/cleanser. It keeps my skin lovely and smooth and free of blemishes. During the wet season, I was having trouble with small bumps on my forehead because of the humidity. After a couple of weeks of using the Mung Honey, the bumps cleared up and I have had very few problems with my skin since. It smells super yummy and is a real treat to start the day with. I would highly recommend the Multi-purpose Mung Honey to anyone who wants clear, healthy skin using an affordable, organic product.


2011.07.09 由 n888 分享

想訂多元豆蜜大包裝 x1包, 好似HK$180.? 重量? 請覆如何交收?和確實價錢?
另想問, 用完這敷面之後, 有什麼面霜可以介紹比亞女呀?亞女皮膚欠水份, 和生暗瘡及帶有些少紅, 現每晚都用豆蜜敷面, 所以較為平伏了。待你回覆!  
問多樣, 之前你地有出家庭裝份量, (SORRY, 我又唔記得重量), 会否再出?幾多錢?



2011.07.05 由 hon 分享

張小姐6月26日在美孚有機攤位買了一小包多元豆蜜試用後感覺非常好面上粒粒少了及滑了,現在想買些繼續用看看再用長些時間有什麼再滿意發現.


2011.04.19 由 歐姑娘 分享

上星期日飲茶嗰陣,新抱問我點解塊面白咗又滑咗?
我話而家日日用豆蜜沖涼同洗面囉。
初時聽張慧儀講開始用豆蜜,用完淨係覺得個人好舒服同埋好爽,冇諗過會有咁多人讚。



2011.04.04 由 老晴 分享

我用咗多元豆蜜差唔多一年,我啲皮膚既一粒粒都好咗好多,以前生到成身都係,一開始就好痕,跟住就唔痕,但係就成日都唔走,留喺個身度,試過睇西醫,搽佢啲藥膏,但係都無效。一出咗豆蜜之後,我買咗一樽,初頭好似無效,以為實唔掂啦,但係俗語都有話「仙丹」咩,應該要循序漸進,唔會一用就好,所以我就繼續用,用咗半個月左右,就慢慢有改善啦,而家keep住用,就算唔當整走啲粒粒,都可以當做facial同埋愛嚟沖涼啦。


2010.09.15 由 歐姑娘 分享

上兩個月我叫張慧儀幫我買咗一樽豆蜜,而家都用咗差唔多大半樽。
佢問我用咗豆蜜咁耐有乜感覺?
我用佢教我個方法,每日沖涼嗰陣全身搽晒豆蜜,等五分鐘,跟住輕輕捽下塊面同埋個身,再用花灑沖乾淨。
我覺得塊面滑咗,冇咁多黑頭,最明顯係個眼袋冇咁深色,個身就冇以前咁多老泥,覺得好爽。



2010.09.11 由 阿左 分享

我於9月4 號開始用豆蜜,用時先用水淋濕全身,然後將豆蜜搽遍面部及全身,5分鐘後沖水,沖水前,覺皮膚有小許痕(刺)。沖水後摸皮膚感覺滑滑。

9月6 號我去沙灘游水,回來後頸和两手臂好痕,老公話可能是水咸,引起過敏,即刻用豆蜜搽一遍,然後沖干淨,之後無事了。咁天然的嘢,可以放心用。



2010.06.23 由 JJ 分享

收到 U Magazine 的宣傳電郵,介紹一些熱門身體磨砂產品的測試(連結)‏、(測試結果)‏。

U Beauty想擁有一身白滑嫩肌?除了靠天生麗質之外,還必須定期做磨砂,把老舊角質通通去除。市面上的磨砂産品有平有貴,粒子有粗有幼,選購前不妨先參考 U Beauty 的測試結果,找出最適合自己的一款産品。

測試方法

溫和度:將磨砂產品以 1 比 10 比例溶於清水中,再以 pH 試紙測試酸鹼度。
去角質度:使用磨砂產品前後,用透明膠紙黏出手背角質,比較膠紙上角質的多寡。

我用與 U Magazine 網頁相同的方法來測試多元豆蜜:
產地:香港
賣點:安全(100%是食物:綠豆粉和蜜糖)、百搭(可以加入其他食物發揮協同效益)、親和(說明成份是普通食物,不扮高深)
抵賣度:HKD253.50/650g,平均0.39/g,最抵。
幼滑度:綠豆粉很幼滑,但不失磨沙的質感;蜜糖的黏貼力令人有去掉污垢的感覺。
補濕度:沒有量度器材,所以未知,但用後惑覺皮膚比用前濕潤,而且保持良久。
溫和度:沒有量度器材,所以未知,但用後沒有刺激的感覺,皮膚也沒有被刺激的徵狀。
去角質度:不想貼膠紙,但用後手背明顯光滑了許多,額頭和兩頰更加顯明。

JJ 推薦。



2010.06.18 由 Daphne 分享

多謝寄來資料,可惜我無時間來學,但我已forward了給兩位最近受暗瘡因擾的朋友,希望她們珍惜機會。

我最近才知原來我長久已來的皮膚乾燥可能是乾燥型濕疹,所以見到有豆蜜賣,即刻買來用。這兩天我用來沖涼及敷面,面部有很大改善及可以完全不用搽任何嘢,都不爆拆。平時洗完唔搽嘢,夏天五分鐘都唔得。現在身體也少了些甩皮,希望陸續有改善。



2010.06.17 由 Peace 分享

I have used the mung bean honey for about 2 weeks. I use it on my face every night after bathing. I found that my face (skin) became clear and fair. The result is much better than those expensive skin care products. I use it on my whole body once a week and my skin feels so smooth and soft. Thanks a lot for creating such a good and natural product to us. I have recommended it to my friend ar


2010.06.14 由 rondi 分享

wongsee9,我昨天晚上幫老公做了一次牛油果加豆蜜髮膜,因為我未知道要拉頭髮,所以沒有做這部份。最明顯是步驟11,用手指梳頭時,頭髮和頭皮都潤滑到不得了,但係一點都唔油,好爽好好摸。好多謝你的指教。


2010.06.14 由 wongsee9 分享

rondi、到步驟04時,在按摩完頭皮之後,把仍然沾著髮膜的手指頭,每次執著一小撮頭髮,由後尾枕輕輕拉向額頭方向,一小撮一小撮的輕輕的一面拉一面由髮根順著滑到髮尖,完成一行頭髮之後,繼續完成其他步驟。


2010.06.13 由 rondi 分享

>> 如果不染髮,請在配方加半個打成醬的牛油果,美髮效果更加顯著。

wongsee9,我的頭髮長到頸,沒有染髮,我已買了卵磷脂和牛油果,準備今晚做頭膜,請問還有甚麼要注意的?



2010.06.10 由 鈴木悠然 分享

張慧儀: ..

昨晚如你所言於臨睡前用多元豆蜜敷臉,然後刻意不搽潤膚霜,再去做面部引流練習。初時我仍覺有點兒乾乾的,但當我上牀去搵周公子時,已經冇之前咁乾嘞,而且越睡就覺越潤添,最終到今早起牀時,已完全沒有乾的情況。但因為現在還未算是太熱,所以睡時仍未有開冷氣,唔知遲啲開冷氣的時候,會唔會畀佢抽乾水份呢?讓我到時再觀察一下。

起牀做完引流練習,然後經過梳洗之後,我又刻意地不搽面霜就開始了我的早操,運動完之後,我發覺臉兒開始又有點兒乾了。不過,因為反正出門口都要搽防曬咖啦,所以我亦覺得問題不大。 

鈴木悠然

 

2010.06.10 由 wongsee9 分享

張小姐 寫:wongsee9,女孩子很少看到自己的頭皮,其實頭皮都是皮膚來的。
坊間很多護髮用品都有加進卵磷脂,聲稱具滋潤髮絲、改善髮質、增添頭髮光澤等功效,還可以防脫髮哩!

張小姐,雖然很少人會去看自己或別人的頭皮,但我真的很怕掉頭髮,很怕禿頭。
染髮和用熱風吹乾頭髮,都會影響頭髮和頭皮的健康,所以我覺得護理頭皮與護理其他部位的皮膚一樣重要。



2010.06.10 由 wongsee9 分享

rondi,好耐冇見。髮膜(hair masque)做法如下:

01. 用指頭插入頭髮裡面,輕輕按摩全頭的頭皮1分鐘
02. 用溫水微微弄濕頭皮
03. 把頭髮中間分界
04. 用指頭沾一點髮膜,輕輕在頭髮分界上按摩
05. 把頭髮分界平行左移1cm
06. 重覆步驟4和5直至頭髮分界到了左耳耳頂,別忘用髮膜配方按摩左鬢的頭皮
07. 在右面重覆步驟4, 5, 6
08. 重覆步驟1,輕輕按摩全頭的頭皮1分鐘,令髮膜配方均勻貼在頭皮上
09. 用清潔的乾毛巾包好頭髮,休息20分鐘後
10. 如常用溫水清洗頭髮之後,用清潔的乾毛巾吸去水份
11. 用10隻指頭把頭髮從後尾枕梳向額頭
12. 讓頭髮自然乾

注意:
13. 頭皮是包著頭殼頂的皮膚 scalp,不是頭屑 dandruff
14. 整個護理過程都要保持頭皮濕潤溫暖(室溫25℃度以上)



2010.06.09 由 rondi 分享

wongsee9,請問hair masque怎樣做?


2010.06.07 由 鈴木悠然 分享

張慧儀:  

我已用多元豆蜜敷過三次臉,又敷過全身兩次。
我用後的感想是:敷完臉後又白又滑,身體部份也感覺滑咗,連腳踭容易有死皮的部份也滑了,這是我最滿意的地方;但就仍有些少乾,所以仍需搽潤膚品。

以下是我的提問,請指教!

1.瓶內的多元豆蜜,浮在面層的是比較淺色的部份,下層的是比較深色。請問,當我用匙取出豆蜜時,我只需取面層的淺色部份就可以,還是也需同時向下挖出深色的部份混和去用? 
2.是否應先用清潔用品徹底清潔面部及淋浴後,才用多元豆蜜敷面及按摩身體?
3.洗掉多元豆蜜時,是否只需用清水就可以了,即是話,毋須再用清潔用品,如淋浴液等…去洗掉?
4.豆蜜敷遍全身後,需要等15分鐘後才按摩身體嗎?

謝謝!

鈴木悠然



2010.06.07 由 wongsee9 分享

tangtang,如果你不是用 oil base 的染髮素,不妨用這配方做 hair masque:
兩茶匙溫水、半茶匙卵磷脂(granule lecithin,施姐姐店有售),混和兩湯匙豆蜜。

如果不染髮,請在配方加半個打成醬的牛油果,美髮效果更加顯著。



2010.06.07 由 tangtang 分享

教練,您好!

頭一次用豆蜜是在堂上由教練幫我做面膜,做完塊面又白又滑,連潤膚膏都不用搽。回家後洗澡時,由頭到腳板底濕身後搽云,再等約五至十分鐘,期間按摩全身(磨沙),然後沖洗乾淨,身體各處尤其腳部包括腳趾“la”、腳踝及腳板底好滑,手掌包括手指“la”都一樣。但是面部就比較乾,乾到有小小死皮,不知是否沖洗得太乾淨唔好呢?於是搽番潤膚膏及防曬,不過塊面真係白滑咗,唔係白面無血色個種,而係白裡透紅,唔使化妝都好好樣,好正! 

有一晚染髮回家後試用豆蜜搽頭髮,但效果麻麻,摩落去“鞋圾圾”,好似一夠髮菜咁唔係幾健康。



2010.05.24 由 mont 分享

張老師

我買豆蜜真不是時候呢~
剛好經期到,又殘又爆瘡,唉!
無法充分看到效果。
但沐浴後真的覺得皮膚是潤滑了的。

昨晚看著自己面上一星期也沒好的暗瘡。
忍不住自己加磨了點綠豆粉加豆蜜敷面<--希望多綠豆排毒好D 
好像有消炎了一點,可能因為多點綠豆粉覺得敷得好天然、好開心。

希望經期過後,快D明顯D見到效果啦~
 


2010.05.24 由 Joan 分享

四年來的每天早上都飲半杯生機店的蜜糖和在沐浴後用豆蜜護膚,效果非常之好,腸胃暢通,皮膚越來越柔軟潤滑。

我的皮膚自幼已經不太好,吃了太多咖哩或者休息不足時,手臂和小腿的皮膚就會乾得像魚鱗一樣。爆拆的時候,就像被很多塊鋒利的刀片輕輕拖過的感覺,又痛又痕,嚴重的時候會眼乾和喉嚨痛,手踭和腳踭會乾到爆裂出血。有時皮膚紅腫起來的時後,不能上妝。

我看了不少中、西醫,都衹是可以舒緩痛苦,不能根治。四年前,我和我老公在生機店認識王政先生,我們和生機店的顧客閒談時,知道她們都用蜜糖和綠豆粉混合的「豆蜜」護膚,其中有一位陳女士見到我的情況,便主動讓了一小瓶給我,王政先生向我詳細講解了豆蜜的用法。

從當晚開始,我在沐浴後,在手臂和小腿的皮膚塗了少許豆蜜,幾天後已見皮膚明顯地轉好。後來王政先生教了我加薑汁到豆蜜裡,然後用來幫老公擦背脊心,幫助他的身體排出積存著的寒氣,大大改善了他多年來周身痠痛的毛病;我現在衹要休息足夠,已經再沒有以前的皮膚問題了。



2010.05.17 由 wukiti 分享

多元豆蜜可放多久?


2009.09.24 由 Betty08 分享

Hi Amy,

Thank you for introducing me to Multi-purpose Mung Honey! Now i know that my black heads can be cleansed without squeezing them and pores can be effectively minimized! Quite amazing! even though the whitening effect is not as obvious as using mung bean powder mixture (a concoction taught by others), but it is less dry and relaxes the skin. Also, it was able to maintain the moisture on my lips for a few days. (usually my lips are easily dried up, no matter how much water I drink or how often i put on lip balm... TnT) The after feeling is very clean and refreshing! love it!

Thanks! :twisted:
Betty



2009.08.16 由 ah hui 分享

最近贪吃辣椒,体内虚火乱窜,有一股窜上了嘴唇,于是嘴唇上便起了几个小泡泡。这是我最头痛的一件事,可别小看这些小泡泡,它们会很快长大,然后在你不小心张嘴的时候就会破裂出血,之后结一个疤,然后你不小心一张嘴,又再次撕裂,这个过程最少要持续一星期,严重破坏本美女的公众形象,而且用什么药都不管用。这次,我决定用刚买的多元豆蜜试试,不是说这东西能消炎吗。晚上洗完脸后,我把豆蜜在嘴唇上涂了一层,然后便睡觉了。第二天早上起床,你猜怎么着,奇迹发生了,我一张嘴,预想中的疼痛没有出现,我揽镜一照,小泡泡不但没长大,反而变小了,并且颜色也不那么红了。我开心之极,于是又连续用了两天,这些小泡泡就完全消失了。哇,这多元豆蜜还真的很神奇呢!哈哈,如果你遇到和我一样的头痛事,不妨也来试试啊。


2008.06.19 由 施姐姐 分享

尋日滂沱大雨,我一手拎住包菜一手開門嗰陣,就聽到店裡面個電話響個不停。我於是乎開門立刻拎個電話黎聽。
原來係生機店個老友打黎,佢好輕奮咁同我講:我昨晚用豆蜜做完面膜,發覺真係好正。
我問佢:點正法?
佢就話用黎做面膜,做完覺得塊面仔真係好潤同埋滑左添,感覺仲好好。

後來佢又反問我:乜你自己冇用咖?
我話唔係,只不過我講得點好點好,D老友一定以為我吹水,都係用家自己講番就更好啦!我仲鼓勵佢貼上網同大家分享分享。

佢問:咁仲有冇豆蜜啫?
我話仲有少量,如果而家唔買可能又要等半年。
佢即刻話要四樽,送畀朋友都好呀。



2008.05.15 由分享

我手上還有一些綠豆,但是生蜜只剩少量,下一批有機雜貨會在6月中之前到,到時先有足夠的生蜜造豆蜜,大家請候,歉甚。


2008.05.15 由 Joan 分享

我的豆蜜已經用完了,現在我用生蜜加有機全麥粉自製,有表面的磨沙效果,但沒有美白效果,也沒有排毒的感覺,不知道是否是心理作用。


2008.05.14 由 Tuen 分享

我已用了多樽多元豆蜜,效果很好。

它是天然的成份,對身體沒有傷害,使我放心使用。

以前我只用它來敷臉,但其後亦用它來按摩身體,因為在Amy的淋巴引流的課堂裡,學會了要對自己好一些,所以,我會把豆蜜多放在一些有問題的地方並輕按,好使自己釋放負能量,又或者近日常有負面思維,不開心,有壓力,我都會趁此按摩時,告訴身體,把這些無謂的事情放下。我想我可以在用豆蜜的時候將這些重擔放下,讓自己輕鬆下來,真十分重要,因為看了許多報導,許多慢性病、都市病都是抑鬱而來的。

只是用一些簡單的方法,可把病氣、霉氣排除在自己寶貴身體以外,真是一個福份!



2008.05.14 由 Tuen 分享

最近王先生有沒有多元豆蜜出售呢?


2007.12.16 由 Joan 分享

源姐,我的豆蜜快要用完,你的新貨到了嗎?

張老師,請問口唇和腳踭乾燥爆裂,可以用豆蜜嗎?請你們分享用豆蜜的心得好嗎?



2007.11.02 由 yvonne yip 分享

Dear Amy,
Can I know the proportion of the honey and green bean? one to one ?



2007.11.01 由 Tuen 分享

剛想回覆要3瓶多元豆蜜,可惜已售罄!!
如還有,請通知我。



2007.10.29 由分享

各位,為免大家等到頸都長,王政盡用剩餘的有機生蜜,製成多元豆蜜。
經點算過後,現在仍有21小瓶存貨。

源源生機店將於本月月底遷出現址,因為全幢大廈要進行維修。
得張小姐仗義相助,應承幫我們保管這21小瓶多元豆蜜。
若要購買,張小姐應承於上課時順道把豆蜜帶給她的學員。

如果張小姐每天都來一次她的窩心多元豆蜜排毒浴,21小瓶很快便會被她用光,
兩樣原料:有機生蜜和有機綠豆,都要等到11月尾/12月頭才運到港,
想買多元豆蜜的朋友,請在樓下登記,與張小姐安排交收,手快有手慢就冇啦。



2007.10.28 由 Joan 分享

以前在秋冬季節,我的臉、胸、手臂和小腿會乾燥得很,如果不勤用潤膚霜和晚霜,連睡覺都時會「爆拆」。

現在我每晚沖涼之後,都會用多元豆蜜做按摩和磨沙。
入秋之後,面部、頸部和胸部的效果非常之好,
早上醒來洗面之後,皮膚有一種舒服、油潤的感覺,
真的可以說是容光煥發,也比較以前皮膚乾燥時容易上妝。
四肢也有類似的感覺,但是沒有那般明顯。
張小姐,這是正常嗎?



2007.10.25 由 Cindy 分享

你好, 我想問會否有限期呢, 可保存幾耐, 因在家那樽已開始變深了色。


2007.10.24 由 Alice 分享

你好,我係anita介紹用的,用過實在太好,
知道你鋪頭要關了,又唔知日後有無機會再有,
所以今次想要多d啦,請預留5樽。

希望他日可以見番你有樓上鋪啦,謝謝你。



2007.10.24 由 PAULDY SZE 分享

請代我訂2瓶多元豆蜜, 星期五八點前到取, 唔該

另外我想問 - 多元豆蜜是否可以沖水飲 ?

pauldy Amy..



2007.10.23 由 張慧儀 分享

訂購多元豆蜜最後召集

您們來電郵說,擔心在源源生機店停業的240天之內,買不到多元豆蜜。
為此我跟王政商量,他決定本周五下午,特地為大家做一批多元豆蜜。
如果您們想訂購,請把姓名、電郵地址、訂購數量,貼到樓下,讓他有個預算。


2005.12.02 由 Cindy 分享

如何調製多元豆蜜排毒膏.

回覆文章