老晴部落

實話實說唔老作;可以講心唔講金
老晴
文章: 46
註冊時間: 2007-09-10, 09:56

八達通 Cody’s diary 07

文章 老晴 »

2007年12月24日,我叫媽子個大姑奶畀我自己增值八達通。
佢問我點解?我話次次都係媽子幫我增值,我未試過自己做。

媽子個大姑奶於是就陪住我去火車站個增值機,企喺我隔離,一步步講我知點樣增值。

我好開心,我而家學識自己幫八達通增值啦!

老晴
文章: 46
註冊時間: 2007-09-10, 09:56

恭祝大家 Cody’s diary 08

文章 老晴 »

今日是年初一,我恭祝各位哥哥姐姐:

青春常駐、身體健康、生意興隆、同埋開開心心、重有笑口常開添!

晴晴敬上

rondi
文章: 71
註冊時間: 2006-10-16, 20:40

文章 rondi »

晴晴好乖喎,rondi姨姨恭祝你身體健康,學業進步,rondi姨姨又恭祝張小姐和各位網友青春常駐,心想事成,新年進步。 :lol: :lol: :lol:

老晴
文章: 46
註冊時間: 2007-09-10, 09:56

文章 老晴 »

多謝rondi姨姨。

老晴
文章: 46
註冊時間: 2007-09-10, 09:56

香香防流感 Cody’s diary 08

文章 老晴 »

圖檔

媽子個大姑奶同我講電話,問我怕唔怕流感,我話怕。點知講完電話嗰晚,電視就話第二朝開始放復活節假,小朋友唔駛上課。

媽子個大姑奶問我咁早放假開唔開心?我話開心,重同佢講話多謝香港政府添。佢問我點解要多謝?我話因為係香港政府話可以放假先放得假咖嘛。

佢問我知唔知流感係乜野?我話係病囉。
佢問我驚唔驚?我話驚。
佢話咁點解要驚?我話流感會傳染,病病下好快會死人。

佢問我點知會死人呀?我話睇電視見到死咗四個小朋友。

佢問我學校有冇教流感點預防?我話學校就冇乜講,不過媽子就好醒目,叫我一定要放個口罩喺身邊。如果唔記得帶返學,就要去校務處攞口罩。
佢問我口罩用嚟做乜?我話梗係要嚟帶啦!雖然帶咗口罩好侷,不過可以保護個口同鼻,冇咁容易畀人感染到。

佢問我對流感有乜感想?我都唔明佢問乜,不過我個心想流感快啲走,咁我就可以快啲返學,同啲同學仔玩,唔駛而家日日坐喺屋企咁悶,淨係時不時做下筆順練習同埋少少運動。

嗰日返嫲嫲屋企,見到一架會噴煙嘅東西,媽子個大姑奶話係抗流感能量原子香薰霧化機,個名好長,但係噴出嚟啲味好好聞。佢重話可以喺香薰冷霧喥洗手,我諗:咁都得?見到嫲嫲洗下洗下,我都洗埋一份。洗完隻手好似畀啲冷霧包住,好舒服又香又得意。

我想噴一噴個口罩先帶上面度,抖氣都香啲舒服啲。

老晴
文章: 46
註冊時間: 2007-09-10, 09:56

覆Fish姐姐 - 食物金字塔

文章 老晴 »

圖檔

Fish姐姐,媽子個大姑奶今日至得閒同我一齊坐定定,好辛苦咁教我用中文輸入法打晒成個食物金字塔畀您睇。 :D

我由最高嗰層數起:
第一層:油、鹽、糖
第二層:芝士、蛋、豆腐、乳酪、奶、肉、雞、魚
第三層:西瓜、菜、橙、番茄、紅蘿蔔、菇、茄子
第四層:米粉、麵、飯、麵飽、粟米片、糙米、餅乾、麥片

我知道,第四層啲食物份數就可以食多啲,然後啲份量一層層咁減上去,唔好食咁多第一層。

Fisheye
文章: 62
註冊時間: 2007-10-07, 22:12

文章 Fisheye »

老晴,

謝謝你 :lol:

等我日後懂得食嘢時, 要睇你的食物金字塔來分類..... 好靚好有意思的勞作 !

日後有靚嘢, 記得登出來, 等我可以學呀....

Fish 姐姐

老晴
文章: 46
註冊時間: 2007-09-10, 09:56

流感後第一日返學 Cody’s diary 09

文章 老晴 »

3月31號,嗰日係放完流感復活節長假第一日返學,我好開心,又可以見到老師同埋同學仔啦。

媽子個大姑奶問我,老師有冇幫每個小朋友量體溫?我話冇。
佢問點解?我話老師叫我哋喺屋企量咗先至返學。
上最後一堂嗰陣,成班同學仔就要去一間房喥,老師會用一架儀器逐個按一下個額頭,按嗰陣時要合埋眼仔,就可以測到體溫咖嘞。

我重話畀媽子個大姑奶聽一件好好笑嘅事。

喺喥排隊嘟額頭嗰陣,我聽到砰嘭一聲,好大聲,個個同學仔都向發出聲音嘅方向望。
老師就好急咁走去睇下發生乜嘢事。原來,有一個同學仔瞓咗喺地下。

媽子個大姑奶問,係咪個同學仔暈咗呀?
我話,老師頭頭都以為係,點知叫咗嗰個同學仔好耐佢都冇反應,但係就聽到佢有鼻鼾聲,後來佢慢慢張開眼仔,望實老師。
老師問佢係咪唔舒服,佢話唔係,係好眼瞓,剛剛個儀器嘟佢額頭,佢合埋眼就忍唔住瞓著咗。
跟住個同學仔重畀老師帶咗去休息室休息,瞓到放學至出番嚟。
嗰個同學仔重有個家姐喺我哋間學校讀書,佢都係一樣咁砰嘭瞓著咗。

個同學仔後來話我哋知,先前嗰晚屋企人打麻雀,佢哋瞓唔到,於是喺床喥玩啤牌,所以咪唔夠瞓囉。

媽子個大姑奶問我,呢件事教咗我啲乜嘢?
我話,小朋友一定唔可以夜瞓。 :roll:

老晴
文章: 46
註冊時間: 2007-09-10, 09:56

猴子的笑話 Cody’s diary 10

文章 老晴 »

圖檔

主題:猴子的笑話
材料:毛筆、水彩

猴子搖著尾巴說笑話:
他說,行山客總會留下香蕉請他們吃,這已成了習慣。
一天,他如常地拿著香蕉回家。
這次的香蕉很黑,應該是熟了一點。他一口咬下去,硬硬的,苦苦的,怎麼香蕉的味道怪怪的?
他說:原來我吃的是一塊炭!!!

做法:
先用毛筆勾出猴子的外型,然後用水彩輕輕印上圖案就大功告成啦。

Fisheye
文章: 62
註冊時間: 2007-10-07, 22:12

文章 Fisheye »

猴子搖著尾巴說笑話:

他說,日日早起問人拿隻香蕉回家食, 不知幾幸福.

點知昨日瞓遲咗出到去, d 人走曬, 肚又餓, 好彩見到地下還有隻黑黑蕉, 快快手拿來吃, 一口咬下去, ohhhhh~~~~ 又硬又苦, 味道怪怪 :shock: ????????

原來我吃了一塊炭 :oops: !!!

故事教訓 : 早睡早起, 精神好, 唔會眼朦朦.

回覆文章