老晴部落

實話實說唔老作;可以講心唔講金
老晴
文章: 48
註冊時間: 2007-09-10, 09:56

書展記

文章 老晴 »

日期:23/7/10
時間:10:45am-5:00pm
地點:灣仔會議展覽中心
費用:$10
人物:彭太、彭晴、姐姐、Amy和我

我23/7/10去咗書展,我年年都會去書展,因為我是一個喜歡書的人。
那天,我買下了4本書和3個兒童的玩具。
我用了500元。
我明年會去書展,我從書展中明白到出發前要準備妤所需用品,例如:地蓆、水、食物和旅行箱。
我覺得很快樂。 :wink:

老晴
文章: 48
註冊時間: 2007-09-10, 09:56

穿耳記

文章 老晴 »

昨天,媽媽終於答應給我穿耳,上完鋼琴課後,我就懷著既興奮又緊張的心情去穿耳。
為我穿耳的姐姐是Crystal姐姐,首先,她讓我挑選耳環,然後,清潔耳朵,接著,就畫上記號,最後,一切都準備好了。
然後,就「啪」一聲,我的耳朵就穿了一個洞了。合共40元。

老晴
文章: 48
註冊時間: 2007-09-10, 09:56

掘蜆蜆記 – 你諗都諗唔到,原來貝澳有勁多蜆蜆蜆蜆掘咖!

文章 老晴 »

我想直擊報導一下尋日掘蜆蜆的情況,不過尋日太攰了,所以遲了一日報導。

尋日,爸爸一大清早便駕車與我和媽咪到東涌富東邨〈東薈城隔壁〉,千萬不要弄錯成逸東邨呢!

然後會合一大班朋友乘3M到貝澳去。〈下車前一點是一個公廁,方便認出〉,你行前到公廁,然後一直向前走就係咖嘞。

到咗沙灘就開始咗我哋嘅掘蜆蜆旅程了,差不多掘咗成日就掘到好多、好多、好多桶不同大小的蜆蜆啦。

掘蜆蜆竅門:
1. 到深水的地方掘,蜆蜆就會相對較大較肥美;
2. 水退時在那些泥地掘,掘出來大部份的蜆蜆都是中等身材;
3. 當在泥地掘到一些十分細小的蜆蜆寶寶時就不要拿回家,放牠們回原地讓蜆蜆寶寶成長,等到牠們長至適中身材後,我們再去掘來吃;
4. 盡量用手掘,因為如果你用工具找蜆蜆,你想也想不到,原來蜆蜆是會逃跑的,到你沿著工具伸手去捉蜆蜆的時候,他們已經潛水走人了;
5. 如果你早去的話,水未開始退,你可以選擇在一些類似河溪的地方捉魚魚或大隻一點點的蟹蟹;
6. 小心行路的時候或者在海水深的地方捉蜆蜆時,有一些刺客襲擊你,牠們就是可惡的寄居蟹,牠們會用盡辦法刺你的腳或者屁股,又或者在你很開心地捉蜆蜆時刺你的手手。

分享我對蜆蜆的心得:
1. 要將牠們用海水浸一晚讓牠們吐沙。
2. 中等身材的蜆蜆比較好味道,可能你以為特大的蜆蜆又肥美又多肉一定比較好吃?千萬不要被牠們的肥美身材騙了,因為中等身材的蜆蜆就好似年青人,所以牠們的肉比較嫩滑,而大蜆蜆就好似老人家,牠們的肉比較韌。

蜆蜆的食法:
1. 可以滾湯;你可以發揮想像力加入配料,不過記住回應話我知,因為我都想試下你個方法呀!
2. 可以炒蜆蜆,最好揀中等身材的蜆蜆,用鼓椒炒。

掘蜆蜆直擊報導完畢,由實習小小記者張曉晴報導

老晴
文章: 48
註冊時間: 2007-09-10, 09:56

壊蛋掌門人

文章 老晴 »

我看了壊蛋掌門人,妤妤睇呀.
我最鍾意最鍾意的角色是玲玲,因為她很可愛
我明白到壊人都可以變番妤人

老晴
文章: 48
註冊時間: 2007-09-10, 09:56

清水灣郊野公園一日遊

文章 老晴 »

一大清早,我懷著渴睡的心情又搭巴士又搭地鐵到油塘,再乘搭旅遊巴士到清水灣郊野公園。
到達後,首先放下我們沉重的背包,然後大家一起圍一個大圈,然後進行不同的活動。

中段的時間,我們就開始了我們的野餐旅程了,然後我們還到另外一邊進行訓練活動呢!

我們有不同的訓練活動,例如:
一、搬水遊戲;
二、吊床,富泰國風情的吊床;
三、爬樹;
四、爸爸媽媽齊齊來拉麻布袋上的我們下山坡;
五、運水遊戲等等……

我來說說第一個搬水遊戲:因為那是類似山坡的地方,所以工作人員姐姐綁了一些繩索在樹上,然後將一桶水綁在尾端,這個遊戲訓練我們從尾端拉那桶水到我們的身邊,然後一手就放開了它,然後姐姐就會給我們一些掌聲鼓勵。

我和媽媽都玩得非常開心。

最後,我們懷著疲倦的心情回家去。

老晴
文章: 48
註冊時間: 2007-09-10, 09:56

爆牙記

文章 老晴 »

有一日,同Amy去荷李活睇戲。突然之間,我嘅牙裂開咗,過一陣仲爆開咗兩邊添。

我哋睇完戲之後,搭地鐵去北角,然後搭叮叮去灣仔,去十蚊店攞樽樽,跟住坐的士去生機店放低東西。

喺中環食完tea time之後,就搭巴士返馬鞍山搵牙醫。我寧願喺新港城或者馬鞍山市中心搵牙醫,都唔去我屋企樓下嘅診所,因為嗰個護士好冇禮貌,醫生又有暴力傾向。

媽咪話馬鞍山市中心有一個牙醫,我哋去睇下,發現已經滿晒booking。之後,我哋去舊馬鞍山市中心搵牙醫,終於畀我哋搵到個牙醫,但係發現佢係好貴咖。我哋再去新港城三期,就發現一個牙醫診所,護士好好人,我諗既然護士咁好人,醫生應該都會好好嘅。

我入咗去之後,牙醫叫我瞓低喺張牙醫椅度,因為係我第一次睇牙醫,所以特別緊張,佢好細心咁講畀我聽要做啲乜嘢 (真係畀我講中咗喎,醫生都真係好好人) 。

最後,牙醫叫我脫完牙之後15分鐘可以食雪糕。

老晴
文章: 48
註冊時間: 2007-09-10, 09:56

開學記

文章 老晴 »

我今年要返上晝班啦!

第一日返學,Amy都喺度。我起身之後,佢就起身啦,因為佢話要賀一下我開學喎。

返到學校之後,我見到好多同學呀,我好開心,之不過我重係好眼瞓呀。

第二日重慘呀!明明要著校服我就著錯咗體育服。
第三日重衰,明明寫咗手冊話要著體育服,我就著咗校服。

我諗個原因係因為我重未瞓醒。

我終於買咗個鬧鐘啦!

買咗個鬧鐘之後,我真係知醒,個鬧鐘又可以較音樂又可以鬧呤呤聲。

我重諗住早啲瞓添,大概9點左右啦!

你哋開學嘅時候有冇好似我呢啲經驗呀?
如果有,你就喺下面話我知啦!

老晴
文章: 48
註冊時間: 2007-09-10, 09:56

健康奇案錄

文章 老晴 »

近來,你們有沒有看過健康奇案錄這個節目呢?我覺得這個節目富健康知識,
是一個十分健康的節目,你呢? :shock:

老晴
文章: 48
註冊時間: 2007-09-10, 09:56

Re: 老晴部落

文章 老晴 »

日期: 2017年10月19日

昨晚急症室醫生見我不想留院吊鹽水就寫了三日假紙給我, 叫我回家好好休息, 要吃流質。我不留醫是因為我明天要大測呀!

今早話Amy知我暈陀陀, 一陣份卷要測兩個鐘。
她聽後從袋裡取出一塊紙巾, 跟住滴了幾滴薄荷香薰油在上面, 叫我放進裙袋, 測驗時拿出來聞就會幫到我。我不假思索就將紙巾袋好, 然後出門上學去。

差不多開始測驗, 個人仍是暈陀陀, 我即時拿那張紙巾出來聞幾下。那一刻, 我覺得個人呆了一呆, 然後就進入做到野的清醒狀態, 我見到咁樣就索性把紙巾放在裙面大脾位置, 聞著啲香氣順利完成兩個鐘頭測驗。

回覆文章