生命裡，最想幫但亦是最難幫的一幫人，不是親人就是摯友。
「點樣先可以整走我背脊胸圍帶下面突咗出嚟嗰兩舊肉呀？」 女友問我。
「您有冇每日都練習面部淋巴引流先？」我反問。
「關塊面事咩？」女友有點糊塗了。
我不語。
「本來冇咁勤力既，不過呢排見到塊面皮愈嚟愈鬆，所以唔敢再懶散，日日最少做番一次淋巴引流。」女友面有難色，垂下頭，尷尷尬尬地說。
我聽到的是老實話，是時候入正題了。
「如果您真係想整走嗰兩舊肥肉，就唔單止要做淋巴引流，重要做一個進階伸引動作，由頭殼頂開始吊番起上身既肌肉，連帶塊面、條頸、雙臂同埋條腰一次過做晒。」我說。
女友即時面露輕奮神情、眼仔碌碌咁望實我，若有所思…
我心裡知道，如果她真的依法有恆地天天鍛鍊，我所說的果效定會成真；但我更明白的是，她要肯對自己許下承諾，然後找我去幫忙，我才可以幫到忙。
「我想同您約個時間，學嗰招由頭吊起上身既伸引呀！」數周後，女友非常正經地跟我說。
我一邊拿日曆，一邊從心裡笑出來，因為，我心裡知道，女友將於不久之後重拾昔日的明艷。