教練話，人老到咁上下就唔適宜斷食…
我望望自己，剛剛慶祝完五十幾歲生日，都唔知算唔算「老到咁上下」，適唔適宜斷食。
今年好可能係我最後一年斷食。
橫掂最後一次，不如做大佢啦！
若然今次斷食期間死唔去，我會喺補食期完結之後開個講解會，同大家共享下箇中嘅甜酸苦辣。
斷食期間會浮現一啲平時我唔敢、唔想、唔願或者唔會做嘅事物出嚟，要我面對。
唔少困擾得我好交關嘅嘢，我會等斷食後先下決定；至今，未曾有一次令我失望。
您地個個都年輕過我起碼廿幾年，袋住我呢個頗為全面嘅淨心淨體方案返去看下門口都好喎。
我打算由減食期開始，公開我每日嘅內心轉變同過程，同場可能會加載教練嘅輔導。
歡迎大家步進我嘅甜蜜蜜斷食旅程，與我共享沿途風光。
.
甜蜜蜜斷食工作坊
甜蜜蜜斷食 2014
