73 呢個一定唔係您 Not you

[張慧儀]

客:「我想打科興，噚日去私人診所登記打針，姑娘話我心跳唔穩定，最好問我主診醫生，所以嚟睇症。」

醫:「我唔可以寫豁免打針紙你，因睇你記錄冇對伏必泰成份敏感，所以冇得豁免。你個case適合打伏必泰，唔適合打科興。」

客:「如果我堅持打科興，您係咪可以幫我寫紙打科興？」

醫:「唔得，就係你唔打得科興，所以噚日去登記打科興個醫生唔幫你打。就算你喺呢度坐到一點我都係咁講，你要嘅冬青膏寫咗畀你，冇乜事你可以走。」

客:「您講清楚啲。」

醫:「我已經講得好清楚，你適合打伏必泰。我幫咗你，你可以走，後面仲有35個病人等緊睇症。」

客:「如果打伏必泰我死咗邊個負責？」

醫:「全世界幾十億人打完都冇死。如果你當我係你主診醫生，雖然我唔係，咁我話你打得伏必泰，OK。」

客:「您係醫生，我畀錢嚟睇症，你咁嘅態度對病人？趕病人走？」

醫:「... 」

客:「我有錄音。」

醫(呆一呆):「你知唔知錄音係犯法咖？」

客:「您做乜醫生，咁嘅態度對啲病人？」

…

醫:「我向你道歉...」

[張慧儀]

陳李張黃午聚，東拉西扯到核廢污染海產，恰巧我們都在吃地中海飲食。

黃說，我這碟 Risotto alla pescatora (漁夫燉飯) 裡面有這麼多種海鮮，我很可能已經中了末日幅射毒。

李說，我這碟 Linguine alle Vongole (白酒蜆肉意粉) 說明用的是在意大利入罐的 clam sauce (蜆茸)，你到香港的富貴超市也買到 (在群分享連結)，地中海沒有核爆歷史喎。

張說，這間飯堂標榜正宗意大利原汁原味，否則哪賣到這個價錢 … 呵 (看罷連結)！香港也買得到藍腳蟹肉，我們的「發末日財」美夢泡湯了。

李說，可能是墨西哥灣的藍腳蟹呢。

陳說，我們只要找個有錢人或當地政府投資，在當地買間食品廠，專收意大利過盛的海產，保鮮運來香港，長做長有。

李說，你不早說，讓我趁後生時找個富二代意大利帥哥 (在群分享了意大利男超模連結) 結婚 …

黃說，老男人都可以 …

四婦人齊說，貪佢死得快 …

張說，好，我們一於一條龍服務包銷，意大利賺到錢要買多點國產絲綢茶葉和瓷器，貫徹海上絲路精神。

陳說，對對對，回航時千萬不要汲取這邊的核廢水壓艙，帶回去污染地中海。

黃說，那就世界大攬炒，冇啖好食喇 …

李說，現在烈日當空，要發夢尚早喇…


故事是這樣開始的