4 意願 Desire

愛惜自己 - 活出彩虹
張慧儀
文章: 1620
註冊時間: 2006-05-10, 00:11
聯繫:

086 向小英雄學習 Learn Something from the Kids

文章 張慧儀 »


再次參加中文打字比賽,看看自己這次的臨場表現如何,評估一下實力提升了多少。

會場裡擠滿了來參加比賽、領獎、吶喊助威的大小朋友。蔡sir宣佈,參加這一回合比賽的人數較上一回合更踴躍,有兩千多人,能夠進入決賽的有四十多人。我發現名單上只有我和其他兩位是來自公開組,大部份參賽者竟然是小學生。

大會將參賽者分成八組,每組六人,我被安排到第七組作賽。與我同組的,有兩個在唸小學六年級的可愛小男生。

今次的現場壓力來自坐在我身旁的觀眾,距離近得彼此差不多可以嗅到對方的氣息,大會還把參賽者的打字狀況直接投射到大螢幕去,讓所有人都可以一目了然。

工作人員一聲令下,我們的一組開始比賽。

這次,我的心沒有狂跳,但手指頭卻不肯配合,自顧自的亂打一通。

我當下問自己:張慧儀,何事令您慌亂起來?莫非是身邊小男生在鍵盤上那極速的劈劈啪啪打字聲引起我的不安,還是坐在我另一邊監視著我有沒有打錯字的觀眾令我方寸大亂?

我跟心兒說:我是來突破自己上次1分鐘78字的記錄,讓別人亂了自己陣腳就沒意義了。於是,我不理會別人影響,進入靜心狀態,重頭再來。

為自己而戰,感覺完全不一樣,我氣定神閒地慢慢打,以精準為依歸。

5分鐘賽時飛快地過,結果我以1分鐘95字的速度完成比賽,打破上次的記錄。

蔡sir見我蓮子容個樣,問我對賽果滿不滿意?我說:非常滿意。

賽後,我跟坐在隔離兩個喜孜孜的同是姓黃的小男生攀談,得知他們本來是用傳統倉頡輸入法的,2月份報了以大新倉頡作賽後才開始練習,這次的成績分別是1分鐘132字和118字,在這麼短時間能達至這個速度,實在令我佩服。

我向他們請教心得,他們異口同聲地跟我說:我哋學校有一個超好嘅老師叫黃主任,佢教我哋中文打字,2月份至轉打大新倉頡,我哋每日放學返屋企,都會練習大新打字兩個鐘…

小英雄又再一次提醒我:一個好教練,再加上自己肯勤力練習,是成功的最重要原素。

hehehahakenwonghappy
文章: 3
註冊時間: 2009-03-12, 23:24

Re: 4 意願 Desire

文章 hehehahakenwonghappy »

沒錯,打字係要練ga~

小英雄,請你說說你為甚麼要學中文打字?倉頡輸入法和大新輸入法的速度分別?

當然,我還想你跟我們共享,你2月份才開始練大新倉頡,如何能在這麼短時間就達至1分鐘118字的秘訣啦。 :wink:

hehehahakenwonghappy
文章: 3
註冊時間: 2009-03-12, 23:24

Re: 4 意願 Desire

文章 hehehahakenwonghappy »

我自己認為,倉頡輸入法和大新倉頡輸入法基本上沒有分別,只不過是
倉頡輸入法取 頭2碼,尾3碼
大新倉頡輸入法取 頭2碼 尾2碼,還不時有些字是只需要1個碼的……
例如:「親」字
倉頡:卜木月山山
大新:卜木月山
所以,我自己認為大新倉頡輸入法是比較快捷的。
之後,要再1-2個月之內練習好大新倉頡,主要是練習,好像我以前未曾練習的時侯,我只能打到51字,但經過不斷努力的練習,我最好的那次可以打到121字呢,由此可見,我們可以看見練習的重要性啦! :P

小英雄,多謝您跟我們共享打字打得快的秘訣。
要打得快就要努力練習,這個慧儀完全同意。
我們齊齊努力破自己記錄,下次擂台再見!

張慧儀
文章: 1620
註冊時間: 2006-05-10, 00:11
聯繫:

Re: 4 意願 Desire

文章 張慧儀 »

leunghe 寫:可喜可賀.請食o野 lah

leunghe,祝福我,2月28日又再去打擂台啦!
如果今次破到我自己1分鐘78字記錄,成績又理想,我就請您食嘢啦。 :lol:
leunghe,比賽結果出咗啦!

公開組
冠軍 姚偉昇 (香港)  191字/分鐘 大新倉頡
亞軍 張慧儀 (香港)  95字/分鐘 大新倉頡
季軍 溫燕堅 (香港)  72字/分鐘 倉頡


我已挑選了一份比請您食嘢更得意和實用的禮物給您,見面時送您。 :D

leunghe
文章: 66
註冊時間: 2006-10-26, 22:58

Re: 4 意願 Desire

文章 leunghe »

恭喜好恭喜,真替你開心, 好野! :lol:
leunghe,多謝您支持我。

張慧儀
文章: 1620
註冊時間: 2006-05-10, 00:11
聯繫:

103 指舞 Dancing fingers

文章 張慧儀 »


2009年7月,學曉大新倉頡輸入法一年之後…

未懂大新中文輸入法之前,我的法庭記錄工作伙伴有卡式錄音機、錄音帶、速記本和筆。
學懂大新中文輸入法之後,我的法庭記錄工作伙伴換了班底;新班子包括數碼錄音機、10吋手提電腦和張慧儀的十隻手指頭。

安置好工作伙伴之後,我就一邊做手指伸引、一邊笑微微坐著,聽委員會成員討論案情和交換相互不同行業的資訊,一邊等候證人、答辯人和律師進場。

由聆訊開始那一刻起,我的十隻手指頭就不停地舞動。

主席和委員說話時緩步徐行,她們慢慢地跳華爾滋舞。
證人陳述案情時情緒激揚,她們會以混合拉丁舞配合。
到答辯人答辯時,她們就毫無章法地跳即興的街頭舞。
當律師作結案陳詞時,她們就轉跳有板有眼的鬥牛舞。

寬敝的會議室裡,除了說話和翻文件的聲音之外,就只聽到時而打雷、時而微風細雨的手指頭跳舞的聲音。指舞,背後的總指揮卻不是我,而是與會人士的說話。

張慧儀跑到哪裡去?不就是飄到半空,欣賞這場蔚為奇觀的指頭妙舞囉!


大新倉頡,縮短了我的工作時間,讓我多了時間去學習、去思考、去開講、去玩耎;人活得更簡潔、更精彩。

鈴木悠然
文章: 13
註冊時間: 2010-03-12, 17:42

Re: 4 意願 Desire

文章 鈴木悠然 »

張慧儀想我同佢分享一下學大新後的心得。其實對於尚處於新手狀態的我來說,分享心得就真係仍未講得上,分享我的感想就可以。

還記得聽蔡Sir講座時,老師說,可以上載大新的免費軟件試玩,但我就冇咁樣做到。
因為我心想,既然已報了名上堂,我就想在上堂時才接觸呢舊嘢。因為我想在認識新事物嘅時候,先至去感受那份驚喜。

記得老師在講座時首次問我們,佢話,喺大新裡面打傳統倉頡,出唔出到字好?
當時我係話,學緊時個過渡期係打到好,到咗習慣後就係打唔到好嘅。
當上首堂課時,老師又再問這問題一次,我嘅答案依然係同首次一樣。

而家回心想想,我當時嘅答案,正正是我於每次學習新事物時,勁冇信心嘅表現。
如果老師而家再問我一次,我會答,最好係打唔到好嘞。點解呢?
因為我而家發覺,原來在接觸完大新之後,真係唔想返轉頭,甚至係返唔到轉頭。
因為習慣了用大新之後,如果要返轉頭打番倉頡,可能真係會對拆碼生疏咗咖。

例如:當你打慣「卜月卜心」的「龍」字時,久而久之,你可能會忘記拆個「尸」碼,
又例如:打慣大新的「辦」字,再打倉頡時,可能會停一停,諗一諗跟住嘅其餘三碼「大尸十」,
當你有那麼一刻的猶疑,你就會發覺會打慢咗嘞。

而家莫講話我冇將「傳統倉頡」打勾,我甚至將所有「限用快版簡碼」全部打晒勾,迫自己必須打快碼才能出字,然後將之寫下記牢。年紀大,記性一定冇咁好咖啦,但唔緊要,多錯多打,再錯,再記牢、再打。

當在第二堂的練習當中,老師問我,點解我啲練習會冇錯?因為我將錯嘅改咗?
我答冇改。老師隨即說,咁即係你打得慢囉,我還記得當時我有點大惑不解嘅,老師續說,即係你應該還可以打得快啲嘅。當時我都仲係好唔明,但回家再細細咀嚼之後,就恍然大悟嘞。

我們從小就被教導,做人要行規步矩,避免犯錯。但在學習倉頡的過程裡面,就係正正要錯,錯得多自然會多加留意,從而加深記憶。老師話,練習時應該唔好諗就打落去,錯咗由得佢,唔好改。
但因為我係喺課室,所以會不期然以為自己係喺度考緊試,考試錯誤率太高,成績就會唔算數,所以當諗一諗個字點打時就拖慢咗嘞。呢樣嘢要改真係有啲難,而且我這個緊張大師,仲係有考試僵硬症嘅添,真係要好好習慣適應一下。


而家等我講下我學大新的樂趣。

1. 當我平時要輸入多碼才能打出的字,現在只需輸入一碼或二碼時就能打到出來,嗰種開心滿足嘅感覺,真係好正。
例如:「卜十」就能打到「辦」字、「心手」就能打到「慣」字……一碼當先更加唔駛多講啦。

2. 打標點符號,由倉頡的打四碼,大新可以一碼就打得到,節省咗唔少時間。

3. 大新可以自加字詞。平時倉頡冇「嘅」呢個字,如果我要打,就必須轉輸入法到「香港增補字符集」才能打到。而家只須將呢個字加入自加字詞,之後毋須要再轉輸入法,就能在大新將字打出。

4. 常用字先放選字第一位,減少選字的麻煩。例如:以前常打的「果」字,用倉頡打時,要按「2」來選字。

5. 「;」號代表下一個選字順位,可避免打數目字選字。例如:「困」字打「田木;」,就可免除再眼望鍵盤,然後再選「2」字。


而家再講一下新手上路的困難。

1. 新手上路必然會有少少困難,就如當初我學倉頡嘅時候咁迷惘,見到「金」字時,會將佢拆碼。
而家有時都會將個「難」字拆成「廿人人土」,你話幾咁走火入魔呢!哈哈…
但迷惘嘅情況,相信會隨住時間而消失嘅。

2. 倉頡少用的指位,仍處於未完全掌握得到的情況。例如:「Z、X、逗號、點號、分號」
尤更甚者,就是要右手指尾兼顧埋嘅「、」頓號,真係有啲雞手鴨腳的情況出現。
例如:有時要打個「覺」字就會手指唔聽話咁打咗個「親」字。想打「齊」字時又會打咗個「選」字。

3. 打標點符號「逗號、句號」後,有時會不自覺地多按了「spacebar」,呢種情形,在第一堂練習時最多錯,而家已經好咗好多嘞。雖然我知道有功能可以設定成可以按「spacebar」,不過咁做又似乎有違「快」的意義。

4. 「1聯想、1易、易尾、1難、難尾、1逗、1點」,要記係有啲難度。唯有勤力埋首喺嗰張「連贏派彩」嗰度,正如老師話齋,死記之外還要生記。

5. 當打基本字母如:「日尸木火土」時,有時會被雙眼所蒙騙,忘記在後加個「;」號。

6. 以前少用「Num Lock」打數目字,用大新打數目字,如果唔用「Num Lock」時,這個「.」號會打出成「。」。例如我想打「5.」就會打成「5。」,除非係喺輸入數字時轉成「A半」輸入法。


那日當張慧儀得悉我將會學「大新」時,她對我說了一句大概係咁嘅意思嘅話:『歡迎加入飛行部隊』。
雖然我尚有段頗長的路,才能體驗到我能飛嘅感覺,不過我相信,習慣終會成自然,多練習必能克服以上種種困難。
兒時老師都會常說:『只會有懶惰的人,絕對冇愚笨的人。』
希望我可以慢慢從基本的學走路,一直到腳踏車、開汽車……

綜合以上種種,總括嚟講,我覺得選擇了用「大新」作為我日後中文輸入的工具,係我嘅明智選擇。縱使將來我或會飛得並不太高、太遠,但我欣慰嘅係,我喺學習嘅過程裡面,得到了享受嘅樂趣。
而且我還比其他同學優勝嘅係,我不僅有蔡Sir這位良師,我還有張慧儀這位師姐,多謝兩位的教導,從而令我獲益良多。

Daphne
文章: 4
註冊時間: 2007-02-05, 17:46

Re: 4 意願 Desire

文章 Daphne »

Amy,多謝您上星期日的介紹,還即刻幫我問埋上堂的時間。
Daphne,當學生準備好的時候,老師自然就會出現。您客氣啦,我係信差嚟咖咋。 :wink:

8/3上第一堂真係好好玩呀,好似睇完棟篤笑,仲要唔哂俾錢和有書送。我拿著本書,真是感動到想喊,心想現在竟然還有人不計利益去教東西給人,好似有些時光倒流三十年。上堂很熱鬧和開心,蔡S!R教得很好呀,由淺入深,給我們多做堂課及家課去記入腦,他出的那本書還做得很生動活潑,可以有手工玩,如回到小學年代。

我上星期六還去聽他的免費孖寶講座(excel+access),知道多些這些軟件的應用方法,更很喜歡他說access可以取代excel用,因我也覺access 好用些,可是現在一般人都只懂excel,以前為了遷就老細,要做多重功夫,而現在為揾工又要睇番多些excel. 真希望多些人懂access和全面應用,便可省回工作和記多樣嘢,好期待蔡S!R這方面的講學。完了講座後,他還email給我們做(excel) function 100的功課,他說做完寄給他會有小禮物,那是他用電腦做的一些方便軟件。所以返學真係幾好呢! 返學真係幾好咖。與時並進,人先至唔會咁快腐爛。

張慧儀
文章: 1620
註冊時間: 2006-05-10, 00:11
聯繫:

Court Reporting

文章 張慧儀 »

.

回覆文章