5 姿態 I Body Language I

[張慧儀]

一身西裝畢挺，肩負名牌背囊，手拉名牌行李，帥氣地引領著他的當事人步進議事室。

一面慢鏡欠身就坐，一面聚焦環掃在場各人，目光炯炯有神了大約三、四秒吧。

一手呔泊好行李，用寶劍出鞘之勢，從背囊拔出名牌小型手提電腦，打開，接上滑鼠，接上外置硬碟，接上上網裝置…他終於肯乖乖的坐好，會議也開始了。

當大家都正想為他舒一口氣時，他就在主席說開場白的中途突然開始說話，他還能夠在每一句說話之中，說同一句口頭禪起碼一次，神奇度直迫特異功能。

主席可能受不了，禮貌地打斷了他的說話，請問他剛才那番話的目的何在？他呆了大約三、四秒吧，又開始一面望著手提電腦、一面重覆剛才說過的內容。

又過了一會，他終於發覺全世界、包括他的當事人都在用狐疑的目光看著他。他終於停了說話，禮貌地向主席申請小息一會，好讓他和當事人到外面商討一些事宜。

工作人員在會後告訴我，原來他的手提電腦仍未接上電源。

[rondi]

張小姐有冇寫過劇本？笑死我啦。
魅力一定係發自內心，扮唔到架，D男人硬係唔明，唉！

張小姐無意針對男人，咁啱兩次都係男人，實屬巧合。

黃子華在劇集「奸人堅」扮奸人堅，他已經交足貨，但是這個劇集比「棟篤狀王」還很悶，浪費了一個好演員。
真懷念劇集「大冒險家」裡面由黃子華扮演的角色白活。

[張慧儀]

即將上舖之際，一個久未露面的客人衝了進來，一雙眼像機關槍般先來個全場掃射，射完，眉頭一戚，咀角朝下一抿，煞有介事地嚷：「乜你間舖頭咁立立亂咖。」跟著走到貨架前，老實不客氣地一面說：「我好貪心咖」，一面從瓶瓶罐頭中拿出貴價的乾果來「試食」，三句不到兩句就又重覆那句話：「乜你間舖頭攪成咁，立立亂咖！」

如果您是小老闆，您會如何處斷？

[Joan]

如果我是小老闆，我一定會盡最大努力令這個為食的八婆在我眼前消失，不會給她浪費我的時間，我會說有私事要在舗裏面做，一夠鐘關門便有禮貌的請她離開。

[rondi]

如果我是小老闆，我一定會盡最大努力sale這個為食的八婆 ，總之她食過甚麼貴價的東西我就sale乜，sale到佢買，然後有禮貌的請她離開。我都做過高級時裝的門市，最討厭D客臨閂門先來，重似熟賣熟攪攪震冇幫襯，阿頭見到佢，以為個客係我D朋友就慘。

[Catherine]

如果我是小老闆，我個心梗係唔係好滿意個客咁晏至入黎，重要咁既態度講嘢。不過，打開門口做生意，想賺錢餘亦都唔想得罪個客，唔滿意還唔滿意，我就唔會表露出黎。

佢講得出咁既說話，梗係要問下佢點樣解救。 我會問佢：咁點樣先至可以唔立立亂呀？叫佢畀意見。

我會同佢講：我哋關門啦。如果您有嘢要買，就快啲手，如果唔係就下次請早啲黎。

最後，我重會再講一次開門時間畀佢聽，費事花佢啲寶貴時間，黎到摸門釘就唔好啦。

[Aking]

如果我是小老闆, 會借聾耳陳對耳, 唔理會 :「乜你間舖頭咁立立亂咖。」 因為它只是借這話題, 要人注意我來了. 有客到, 當然發揮我的本色, 轉話題, 帶它回來到舖頭的目的, 就是幫我買嘢好啦 !

是女人的話, 會似熟賣熟地跟她說 : 剛返新貨, 攪到舖頭立立亂, 證明貨品幾新鮮, 係呀~你幾貪心咖, 食我小舖最好的乾果, 好利害, 有品味, 新鮮運到的乾果, 你就來…. 真有緣, 買d 返去慢慢享受吧.

如果是男人, 亦會似熟賣熟地跟他說 : 剛返新貨, 攪到舖頭立立亂, 證明貨品幾新鮮, 係呀~你幾貪心咖, 懂得試食我小舖最好的乾果, 識得食唔好浪費, 買d 返去慢慢享受吧.

買與唔買好, 更要提醒它試食, 小心試得太雜亂, 返去肚仔痛唔好賴我, 小心貪字得個貧.