102 多元豆蜜 Multi-purpose mung honey

慧儀在香港經濟日報健康版的專欄文章
老晴
文章: 48
註冊時間: 2007-09-10, 09:56

Re: 102 多元豆蜜 Multi-purpose mung honey

文章 老晴 »

我用咗多元豆蜜差唔多一年,我啲皮膚既一粒粒都好咗好多,以前生到成身都係,一開始就好痕,跟住就唔痕,但係就成日都唔走,留喺個身度,試過睇西醫,搽佢啲藥膏,但係都無效。一出咗豆蜜之後,我買咗一樽,初頭好似無效,以為實唔掂啦,但係俗語都有話「仙丹」咩,應該要循序漸進,唔會一用就好,所以我就繼續用,用咗半個月左右,就慢慢有改善啦,而家keep住用,就算唔當整走啲粒粒,都可以當做facial同埋愛嚟沖涼啦。

老晴,最緊要啲豆蜜可以幫到啲粒粒冇咁紅同埋痕。唔痕,心情都會靚啲。如果再乖乖哋注意下起居飲食,食少啲快餐,啲粒粒有可能會慢慢同您拜拜咖。 8)

歐姑娘
文章: 14
註冊時間: 2006-06-06, 20:17

Re: 102 多元豆蜜 Multi-purpose mung honey

文章 歐姑娘 »

上星期日飲茶嗰陣,新抱問我點解塊面白咗又滑咗?
我話而家日日用豆蜜沖涼同洗面囉。
初時聽張慧儀講開始用豆蜜,用完淨係覺得個人好舒服同埋好爽,冇諗過會有咁多人讚。

歐姑娘,有人讚梗係開心,但係都要您肯用至得,好乖。
畀人讚,快樂賀爾蒙分泌多啲,皮膚滑啲,個人又靚啲,望鏡嗰陣由心笑出嚟添呀。 :wink:

hon
文章: 1
註冊時間: 2011-07-05, 08:38

Re: 102 多元豆蜜 Multi-purpose mung honey

文章 hon »

張小姐6月26日在美孚有機攤位買了一小包多元豆蜜試用後感覺非常好面上粒粒少了及滑了,現在想買些繼續用看看再用長些時間有什麼再滿意發現.

hon,見您與多元豆蜜開始建立了信任,替您開心。下次用多元豆蜜時,靜下心去感受豆蜜和肌膚接觸時給您的訊息,聆聽心兒跟您的對話。

n888
文章: 1
註冊時間: 2011-07-08, 21:26

Re: 102 多元豆蜜 Multi-purpose mung honey

文章 n888 »

Hi Amy.   Hi n888..

想訂多元豆蜜大包裝 x1包, 好似HK$180.? 重量? 請覆如何交收?和確實價錢?
係呀,多元豆蜜大包裝300克,售價$180。明天來美孚有機農墟「有機中女」攤檔找我買啦。 :wink:

另想問, 用完這敷面之後, 有什麼面霜可以介紹比亞女呀?亞女皮膚欠水份, 和生暗瘡及帶有些少紅, 現每晚都用豆蜜敷面, 所以較為平伏了。待你回覆!  
您亞女好乖,每晚都肯用豆蜜敷面,抵惜。
如果多元豆蜜加進1-2滴針對個人需要的有機香薰油,效果更佳。我會在8月7日晚上開講的「有機護理用品工作坊」堂上跟大家分享。
敷面完畢,我會搽點自行調製的有機香薰組合油,保濕兼保持心境愉快。
就您亞女的情況,慧儀建議她報讀「面部及頸項淋巴引流工作坊」,學曉每天自己幫自己疏通排穢通道,皮膚問題會得到改善。報名請明天到「有機中女」攤檔填報名表及付費。


問多樣, 之前你地有出家庭裝份量, (SORRY, 我又唔記得重量), 会否再出?幾多錢?
由於原材料價格暴升,暫時不會出家庭裝。現於美孚有機農墟出售的多元豆蜜有三個包裝:輕便裝15克,售價$15;入門裝100克,售價$88;經濟裝300克,售價$180。

張慧儀..

juliar
文章: 1
註冊時間: 2011-11-05, 20:39

Re: 102 多元豆蜜 Multi-purpose mung honey

文章 juliar »

I love the Multi-purpose Mung Honey! I use it morning and night as a gentle face scrub/cleanser. It keeps my skin lovely and smooth and free of blemishes. During the wet season, I was having trouble with small bumps on my forehead because of the humidity. After a couple of weeks of using the Mung Honey, the bumps cleared up and I have had very few problems with my skin since. It smells super yummy and is a real treat to start the day with. I would highly recommend the Multi-purpose Mung Honey to anyone who wants clear, healthy skin using an affordable, organic product.

strawberry
文章: 3
註冊時間: 2008-01-17, 13:51

Re: 102 多元豆蜜 Multi-purpose mung honey

文章 strawberry »

Hi Amy,

踏入冬季,皮膚好易乾燥, 身題低抗力差,好易有濕疹出現
又紅又痕又少許痛, 我見施姐姐有"多元豆蜜" 推介,我就不防
試下, 每次洗澡時不可用太熱的水, 要用溫和水, 唔係濕疹
位置就會痛同痕癢, 可以用" 多元豆蜜"輕輕按摩全身,
你可在濕疹位置塗厚一點,等待15分鐘,用溫和水沖洗. 第二朝早
起身會發現濕疹位置淺色點同冇甘痕癢, 試左幾日,濕疹位置會
慢慢消失了,最重要都要有充足睡眠!
:lol:

wlhk
文章: 7
註冊時間: 2011-12-19, 21:06

Re: 102 多元豆蜜 Multi-purpose mung honey

文章 wlhk »

Dear Amy, 惠惠..

我有個朋友的姨甥孫成身都是濕疹我現在介紹她用豆蜜,但請問你在天星有沒有得買?

多謝您推介慧儀的多元豆蜜,若您朋友想知多一點如何應用豆蜜於濕疹的部位,可以請她星期日帶同姨甥孫到天星找我。
由於我在天星的檔位只供教育及展覽用途,所以不能銷售或交收。
如果您朋友想買豆蜜,可電郵訂單給我,存款後我會請崔小姐與她交收。 :wink:


惠惠 張慧儀..

wlhk
文章: 7
註冊時間: 2011-12-19, 21:06

Re: 102 多元豆蜜 Multi-purpose mung honey

文章 wlhk »

Amy,我介紹朋友用豆蜜,請看以下內容:

我朋友:我開始用豆蜜洗面,每日一次,皮膚不會覺得乾,看來它也合適我用呀。
    多謝妳的介紹
我答覆:不用客氣最緊要啱用! :P
Wai-wai

惠惠,謝謝您推介豆蜜,讓更多人受惠。 :D

meow meow
文章: 1
註冊時間: 2012-06-27, 23:09

Re: 102 多元豆蜜 Multi-purpose mung honey

文章 meow meow »

喺天星識咗張慧儀,大家都係手作仔,又幾啱key,留咗個電郵畀佢。見佢有豆蜜訂購就訂樽嚟試下。
用喺塊面度,嘩,好乾淨,真係從來都未試過咁乾淨。我沖涼嗰陣攞一個指頭咁多既豆蜜鋪上塊面度,係咁捽係咁捽係咁捽,跟住等一陣,沖身嗰陣時由頭沖到落腳,差不多5分鐘度,沖完個身至洗面。用咗一個禮拜之後就覺得,嘩下,用下用下咁咪有機會去番10年前嗰陣時嗰個樣?而家用咗兩個幾禮拜,覺得都差唔多去到嘞。
第一次幫我老公做mask,佢話:「嘩,好乾淨喎,黑頭都清埋呀。」跟住佢就提議話:「你估搽落個頭又得唔得既呢?」我話:「唔知喎,要問下張慧儀至知喎。」
喺佢個網站度見到有人話用嚟洗頭就又試下。死嘞,沖水嗰陣D頭髮咁糠,咁點算呢?
咁沖完之後我諗住:最多下次唔用啦。但係又唔係喎,梳頭嗰陣時好順滑喎,又冇乜點甩頭髮喎。過咗一兩日之後就好痕,我同張慧儀講起…
佢話:唔係咁樣呀,唔駛用洗頭水同護髮素呀,就咁樣直接用豆蜜就得啦。
咁我咪照佢講,隔日用豆蜜洗頭囉,洗濕咗D頭髮就用豆蜜直接擦佢。
到晏晝個頭乾咗嗰陣時就即刻痕到飛起,但係D頭髮就柔軟咗,稀疏既部位就出咗D幼幼哋既毛毛,嗰陣時用咗大約一個禮拜,隔日用。到而家已經用咗兩個幾禮拜,連我老公都話:「咦咦,你D頭髮真係多咗喎,又黑咗喎。」
佢仲話:「我都好想試呀,呢樽嘢貴唔貴架?」我話:「唔貴,每次收你一百蚊,不過見係你,夫妻價五十蚊啦。」佢話:「咁巴閉?我自己買樽。」
我同佢講:「你咪買囉,你又唔識人。你知唔知呢樽嘢好巴閉,要識人至買到架。」
我好細個D頭髮已經係好稀疏架嘞,係家族遺傳,成家人都係咁,尤其係我。出嚟做嘢之後,我成日電髮,電爆炸頭,電到佢好蓬鬆,咁D頭髮睇起上嚟咪唔覺咁少囉。我決定今年唔電髮,慳番D電髮既錢去買豆蜜。
:roll: :roll:

Catherine
文章: 16
註冊時間: 2008-03-22, 17:46

Re: 102 多元豆蜜 Multi-purpose mung honey

文章 Catherine »

今日幫張小姐送豆蜜同赤萁茶畀訂咗貨既讀者。豆蜜能量高、功效好,我不嬲都知,不過諗都無諗過竟然會有人偷豆蜜,真係奇怪。

事原係我喺港鐵車廂內到達中環站轉車去上環時,成車人落剩我同埋坐喺我隔離個女人,我就話左一袋右一袋論論盡盡咁喺度執緊嘢,但坐我隔離著綠色衫嗰個女人仲坐喺度。我無乜為意佢,淨係有啲奇怪點解佢坐喺度仲唔落車,等我攪掂落車嗰陣,我將其中一個袋揹上左邊膊頭時,個袋就碰到佢,有種怪怪既感覺,但因為趕時間轉車去上環交收,所以就冇理會。到咗上環站交收後,再點算豆蜜時,就發覺用透明膠袋裝住四瓶細嘅豆蜜唔見咗。

豆蜜都偷?我怕佢偷咗都唔識用喎。既然都偷咗咯,但係又唔識點用,不如呼籲該位女士上張小姐嘅網站,睇吓豆蜜點用,無謂嘥咗D咁正嘅豆蜜吖!

5-Jul-12

回覆文章