118 公廁 Public Toilet

慧儀在香港經濟日報健康版的專欄文章
amyc
Site Admin
文章: 150
註冊時間: 2006-02-02, 19:17

118 公廁 Public Toilet

文章 amyc »


活得不耐煩的人,才會將別人的過錯來懲罰自己。
聰明如您我,寧可把拒絕當別人公廁的時間,好好學習,不斷進步。
您同意嗎?...
____________

簡單來說,公廁是給人「方便」的地方。我們去公廁,當然是想把廢物排出來,所以心理上已做好準備。排泄過程完成後,整個人即時輕鬆不少,順手按下水掣把排泄物沖走,身輕如燕地繼續上路。可是,您有沒有想過,誰來清理公廁?誰為我們丟掉的廢紙善後?您會說:那可不關我的事啊!

您有沒有想過自己就是一座公廁?每天,您的上師、同事、親人、配偶、朋友都會把他們的不快、憂慮、悲憤、沮喪、不安、焦慮…向您申訴,又或拿您來作發洩對象,甚至工具。發洩完畢,他們拍拍屁股就起身離去,留下一大堆廢物給您善後,沒想過吧!

當我們未懂愛惜自己,別人把這些原本不屬於我們的廢物往我們身上扔,我們會不自覺地張開雙臂去全數接收,耐心地聆聽別人的說話。最糟糕的是,心裡還沾沾自喜,以為自己幫了別人一個大忙,最後落得把別人的過錯來懲罰自己的收場。

事實上,別人只是因為您夠「就手」,把廢物往您身上一丟,眼尾也不看一眼便走。他們大多根本不是真的想去解決問題,只是想找個人來宣洩一下,又或展示自己有多慘情。

當然,如果您無聊得很,又最愛聽別人的秘密,那就是「一個願打一個願捱」,天造地設的一對。不過,若您不懂拒絕別人,不停地收集別人的廢物,久而久之,腦袋給別人的穢物弄糊塗了,於是您以大食、亂食來試圖把那混亂的感覺壓抑下去,最後因為做別人公廁而暴肥!

怎樣脫離公廁行列?首先,自己不要把別人當公廁,有事想向知己朋友傾訴、要求幫忙前,先看看自己可否自行解決,這樣不單減少很多無謂的廢話,也能讓自己把事情看得更透徹;同時,學習愛惜自己,好好跟身體溝通,聆聽心兒說話,您自然不會再肯做別人的公廁。

生命苦短,如果還要把有限的生命浪費在當別人的公廁,瘦身時還要額外減去別人丟在您身上的廢物,對自己殊不公道哩!

學曉不要做公廁,是融脂很重要的一步。


圖檔
我想學心靈按摩

Aking
文章: 122
註冊時間: 2007-07-21, 09:51
來自: hong kong

謝謝!

文章 Aking »

我都好想唔做公廁, 可惜做得太久, 養活了好多身邊人...... 看完這篇文章後, 決心大了, 左耳入右耳出.... 哈哈.

期待心靈按摩, 能夠開班.

人生苦短,由現在到拉柴之間的時間屬於誰的?當然是自己的。
在這段時間裡,誰也不能浪費我的生命。

有人話,我咁樣諗好自私。
佢哋話,咁您老公呢?女人結婚生仔,生命裡面就有老公、仔女、有頭家,您嘅時間再唔係完全屬於你自己的了。
我話,我生命裡面點止有我老公,仲有劉華、關師傅、董伯伯(貪佢老成持重)...,不過,個個都係我邀請佢入我生命裡面嘅,自己行入嚟嗰啲就當白撞。

都話人生苦短咯。 8)

小小柔
文章: 11
註冊時間: 2015-06-09, 09:13

Re: 118 公廁 Public Toilet

文章 小小柔 »

睇完文章之後

我要學識~點去倒垃圾~~~????????
期待自己好好去愛自己~不要再成為別人借用的公厠

容我在這裡~倒倒垃圾~向大家分享下我的感受……

我係一個好上心嘅人~係小小嘅嘢都好上心
自己小小出錯(我只係做人)都會令自己唔開心
諗完又諗~唔開心一大餐嘅人~
我知~我咁樣就經常令自己成為一個『垃圾堆田區』~
並唔係一件好事????

所以响理性上,思維上,表面上,我都叫自己
正能量多啲,開心多啲,唔好諗咁多
唔好理人講乜,唔好理人諗乜
唔好理人點睇自己……????

但响事實上,我根本做唔到
我常常對人好,出心去對人,教人嘢
目的係想佢好,亦都同樣期望別人對自己~好
點知~又係自己諗多左
又係自已一相情願……
即使有幾好朋友(係我應為)
最後都會因一啲小事而????反目
最可怕是~~(係暗地裡反目)表面對你無嘢

容許借個你呢個『公厠』給我疴下屎????????????
比我倒倒垃圾~????????????
原因係……
我的就是一個~如果有啲嘢,我必須要講出嚟
係一定要講……所以之前已經撞過好多板了
同人講完,人地就不但幫唔到仲搞到件事仲複雜左

就係因為咁~我依加跟本唔知我(可以)同邊個講
我指嘅係同事~我近排身邊又無個『男人』比我同佢講
跟同事『講』左~~其實只會變成了另一單是非
另一個可以發大的話題
另一個可以八卦的人情

所以我必須要提醒自已~响任何時間都唔好再講????
唔好再同任何人提……
而『思想上』亦唔好再????????????諗????(但好難????)

人物介紹:小黑炭~係我嘅同事,可以話好大部份高層主管都唔太like佢,因為佢都幾大情緒,一有唔高興同同事有乜爭拗就大炒大駡。我可以話同佢幾好朋友,我當佢姐姐咁,又經常買小禮物給佢,我地經常都會一齊食飯,傾計。不過佢都算係一個負能量的人,常常說自己黑仔,又說老公對佢不好,奶奶又對佢好差……呢個不是……嗰個不是……呢個專登害佢……嗰個又專登扇佢。我每次只係聽,又唔敢點比咩意見……因為佢會話我『你知咩呀,你自己都睇住啦,你估好多人鐘意你吖,佢地個個响背後都唱你唔識做嘢仲同大老細有路……你只係森林入面最低等嘅生物,比人食左你都唔知乜事吖~』????聽完當然好down,但我都照樣同佢無咩嘢

咁今次嘅事源係……完本我同小黑炭都無乜嘢,上星期同小黑炭因工事有啲爭拗,佢唔誤我搶佢啲客等自己可以唔洗做。又話我幫左一個佢好爭嘅同事忙~結果咁佢就封鎖我飛卜????佢表面上仲要扮無事……可能佢覺得我唔唔會留意佢飛卜。
老實說~佢鐘意封咪封囉,唔睇佢啲嘢有幾咁唔閒,我反覆咁諗自己有無錯?亦反覆咁問自己,點解自己要咁上心?我又同自己講其實好明顯吖,人哋跟本唔當你係好朋友……你又何雖介懷呀~~~
但……我諗樣同自己講都好多次……都係有啲『介懷』????走唔出個唔開心嘅框框????

直至……
我看到了你的文章……才找到『出路』

誰也不能浪費我生命????
只有『我』可以邀請佢進入我心入面
其他自己行入嚟的……我就當????白撞????

謝謝你『老實面對自己卸下無謂嘅包伏』
做人都係簡簡單單~好????

期待~我可以從新認識自己^^心靈按摩????

回覆文章