2007年12月24日，我叫媽子個大姑奶畀我自己增值八達通。
佢問我點解？我話次次都係媽子幫我增值，我未試過自己做。
媽子個大姑奶於是就陪住我去火車站個增值機，企喺我隔離，一步步講我知點樣增值。
我好開心，我而家學識自己幫八達通增值啦！
有 48 筆資料符合您搜尋的條件
聖誕快樂 Cody’s diary 06
今日，我同媽子個大姑奶去睇「花鼠明星俱樂部」，我覺得好好笑，同「五星級大鼠」一樣咁好睇。
牙齒 Cody’s diary 04
https://www.amyc.info/Images/57.235.06.01.png 嗰日，我帶媽子個大姑奶陪我去檢查牙齒。去到治療大堂，坐咗好多小朋友，媽子個大姑奶問我係咪我啲同學仔？我話唔係，係第二間學校嘅，佢哋嚟聽講座。 交完手冊，我哋就坐喺喥等叫名。明明係叫我個名，媽子個大姑奶就無啦啦企起身，可能諗住同我一齊入去見醫生啩。我話佢知，淨係小朋友先至可以入去，大人係唔可以入去嘅。我叫佢坐定定等我，佢又真係好乖咁，坐響喥睇書。 過咗好耐，姑娘叫媽子個大姑奶入嚟接我。姑娘猛話我乖，然後有少少驚咁話畀媽子個大姑奶聽，幫我照咗X光，解釋話係醫生要照嘅，想睇下我啲牙齒嘅生長情況，仲幫我兩隻牙...
搖搖 Cody’s diary 03
https://www.amyc.info/Images/57.235.03.01.png 》您哋估下我想講乜嘢畀您哋聽吖？ 》媽子個大姑奶終於得閒喺今日11月12號幫我貼呢篇嘢上嚟啦！ 考完試，返去探嫲嫲、爺爺、媽子個大姑奶同埋其他姑媽。我最喜歡食完飯坐喺大人身邊，聽佢哋講嘢，我好多時都知道佢地講緊乜嘢咖。 媽子個大姑奶同埋姑媽捧住本書，裡面有好多冇著衫嘅公仔，我一定睇埋一份。 我見到啲公仔好得意，個個都有一啲圓圈放喺身上唔同嘅地方。我問媽子個大姑奶嗰啲係乜嘢嚟嘅？佢話，嗰啲係輪位。我都唔明乜嘢叫做輪位，咪問佢囉。 媽子個大姑奶就話：老晴，係咪想知？係就瞓低啦。噉我想知哎嘛，咪瞓低囉，不過...
野餐溫書書 Cody’s diary 02
https://www.amyc.info/Images/57.235.02.01.png 媽子同我講，媽子個大姑奶下午來我家嘆幾個鐘頭世界，問我想唔想佢帶我去食午飯？媽子個大姑奶喎，梗係想啦。跟住，媽子又話，請咗佢幫我溫數學，最緊要係唸熟個乘數表。 媽子個大姑奶打電話嚟問我想食乜嘢？我當然話去老麥啦。佢叫我帶課本、兩塊膠枱布、重要帶埋姐姐。我問佢，點解食飯要帶書又要帶膠枱布？ 佢話，成日喺屋企溫書咁悶，今日帶我去公園野餐兼溫書。野餐我都唔知係乜，於是問佢，佢就話即是一邊食嘢一邊溫書一邊睇風景。我心諗，又玩又溫書，咁都得？諗還諗，我飛快地拉著姐姐出門找媽子個大姑奶去。 我哋去老麥買完兒童漢堡...
夾親 Cody’s diary 01
https://www.amyc.info/Images/57.235.01.01.png 小女子晴晴，就讀聖心心小學二年級，就快八歲。 我媽子個大姑奶叫我做老晴，佢認為我非常美麗、人見人愛、大方、好攬、好乖、…不過唔鎮定。 我畀車門夾親手指，就係呢三隻，好痛、好驚、重係好痛、…不過唔敢喊。 嗰日，我帶咗媽子、姐姐、我媽子個大姑奶三個大人去街，佢哋買完餸，我幫佢哋截的士返屋企。上車嗰陣，我畀的士車門夾實三隻手指。 我見到啲手指畀度車門夾實，就細細聲咁，好斯文咁叫：夾住！夾住！ 我媽子個大姑奶重問我夾住乜嘢？我成日都覺得佢嘅視力可能有問題。 我好老實咁講：手指，手指… 我媽子即刻打番開夾實我三...