30 香薰聯想.三 Aromatic Inspiration III

愛惜自己 - 活出彩虹
張慧儀
文章: 1621
註冊時間: 2006-05-10, 00:11
聯繫:

30 香薰聯想.三 Aromatic Inspiration III

文章 張慧儀 »

拍了差不多廿年拖,他們情比金堅,其中一個因素,是他們多采多姿的性生活。
「嗰陣佢已經搬咗出嚟冇同佢家人住,佢好惜我,成日都想整我舒服,我咪畀佢囉,乜嘢方式佢都想做,嗰陣後生,咪陪佢癲囉…」

他們遲婚,寶寶出世時有點困難,醫生在她的陰道切口縫了針,她和她先生在寶寶出世之後有一段時間沒有行房。
「攬攬惜惜之後,我知道佢想要,咪用其他方法幫佢囉。雖然佢冇話乜嘢,但係…我知道佢好想好似以前噉,不過…」

寶寶健康成長,已經四歲,她也快到四十歲了。
「好乾,以前諗到一啲嘢,或者睇到一啲電影情節就會濕,而家唔知係唔係更年期,我唔係唔想要,但係唔知點解,真係好乾。」
「用KY膏唔係唔好,不過會少咗一啲情趣囉,我知道佢會冇癮。」

他們的性生活就這樣慢慢地「靜」了下來。
有一天,她無意中從書房的門縫間見到她先生對著電腦螢光幕自慰,她呆了。
接下來,是一連串看婦科醫生、看心理科醫生、中醫、太極、瑜伽…

「乜都試勻,做勻,學勻,都冇乜用,我地真係有筋疲力盡嘅感覺,而且我同佢嘅脾氣都差咗,寶寶又奀皮…」

心病還需心藥醫。
在她不知情之下,每次在和她見面之前一刻,我用香薰爐點了不同的香薰,然後在她安坐之後,在合適的時間,請她記下從香氣中得到的感受。
有一次,我點了橙花。

「有乜感受?有一啲陌生,但係好親切…有啲似老公當年去咗英國讀咗三年書,每年聖誕節返來香港探我,喺機場被佢拖著我對手嘅感覺…」
「又有啲似細個嗰陣,第一次畀男朋友拖著我隻手嘅感覺…」

我在堂上為她調配了一瓶有橙花的混合油,她認真地把這瓶香薰油清洗完畢之後,立刻扭開封條,把瓶蓋拿到鼻前,深深的嗅呀嗅。

直到我和她再次會面之前,我沒有告訴她這香氣是來自那一種香薰。
在這期間,從她電郵給我的每日記事中,我知道,她那昏厥了四年的激情,終於在橙花的香氣中蘇醒了。