185 就算我識幫你我又肯幫你都要你幫我我先至幫到你 Ultimate coaching

愛惜自己 - 活出彩虹
張慧儀
文章: 1370
註冊時間: 2006-05-10, 00:11
聯繫:

185 就算我識幫你我又肯幫你都要你幫我我先至幫到你 Ultimate coaching

文章 張慧儀 »


當年,我拿著白花花的銀紙去跟教練學做人。
我唔記得教練講咗乜嘢,我反而記得我講得最多嘅就係:我好懶嫁,我唔得嫁,呢啲嘢我唔掂嫁,我唔識做嫁,我乜嫁我物嫁…嫁咗好多次。

上咗三堂,教練就係咁收咗三次錢,我就繼續係咁:唔得嫁、好懶嫁。
第四堂,一坐低,教練拎咗三舊錢出嚟,咪咪笑對住我講:
阿儀,有兩樣嘢,永遠都係幫我唔幫你嘅。
第一就係時間,第二就係金錢。
你不停咁蝕,我就不停咁賺。
第一堂,我同你講「就算我識幫你我又肯幫你都要你幫我我先至幫到你」,第二堂我亦再同你講「就算我識幫你我又肯幫你都要你幫我我先至幫到你咖嘛」,第三堂我亦都講過「就算我識幫你我又肯幫你都要你幫我我先至幫到你咖嘛」。
講下講下我覺得我應該唔駛講,因為你無心裝載,聽唔入耳。
今堂唔使畀錢,拎埋枱面上三堂嘅錢,等你肯幫我幫你你先再嚟啦。
一頭霧水。
問教練,噉即係點?

教練話:
你話有朝一日會用响我度學到嘅嘢出去幫人。
一世人係得咁多時間。
你去幫一啲肯畀你幫嘅人先。
嗰啲你會叫佢哋做乖學生。
你會睇住佢哋一路進步,一路進步,愈嚟愈好,愈嚟愈好。
你會好開心,佢亦都會好開心。

如果一個人成日話呢樣唔得嗰樣唔得,你就點都幫唔到佢。
佢亦會離棄你。
佢會覺得:呢個張慧儀都唔掂嘅,佢啲嘢都唔得嘅…
所以你要畀佢走。
佢肯走就好過晒,因為直至到佢明白咗呢個道理,佢一世都會唔開心。

因為你識幫佢又肯幫佢,所以你要學我咁,第一堂你要同佢講,第二堂你又要同佢講,第三堂你又要同佢講,如果講三次都聽唔入腦嘅嘢呢,佢冇耳仔咖嘞呢個人,冇耳仔點聽書?
你留得低佢喺度都唔會為你帶嚟快樂,你亦都唔會為佢帶嚟快樂。
無論佢畀幾多錢你都好。

金石良言,銘記於心。

小小柔
文章: 11
註冊時間: 2015-06-09, 09:13

Re: 185 就算我識幫你我又肯幫你都要你幫我我先至幫到你 Ultimate coaching

文章 小小柔 »

好欣賞✨你同你的老師
令我敬佩~
又確係令我上了一課
因為其實我之前又係好熱心想幫人~因而受到你老師所講的『果』~結果係令自己唔開心

的確~從前的我
也像你初初咁~我懶……我懶~
一大堆一大堆的籍口~
只係不停的學呢樣學嗰樣~
好多時都三分鐘熱度

不過近排我的跳症纏繞左我咁耐
另我對身體有另一個睇法

今次我覺得我同
豆蜜~好有緣
由無嗱嗱見到~
至見到個排毒法~才刻意找到你

所以如果不是~預見主人
我估我不但用錯方法
就是用用下唔用????

回覆文章