前幾年，台證仍差一個月就到期的他趕緊叫女友放下手頭工作跟他一塊去台灣旅遊。他們每天都玩得很開心，直到在返港的航機上…
男友不時唉聲嘆氣，女友問他甚麼事他又不說，但愈近香港他的面色就愈黑、語氣也愈差。女友問他是否身體不舒服，他負氣地說沒有。
直到站在巴士站等車回家時，他才吐出一句：旅行幾日用咗咁多錢，又要儲好耐至儲到嘞！
女友聽他這樣說就道：早跟你說過不要為那幾百蚊簽證費而夾硬花幾千蚊去台灣玩，由得台證過期就算啦，你明知仍硬要趕去，現在玩完又要罵，這不是跟自己過不去嗎？
怒火中燒的他即時大大聲發脾氣，女友沒再說話，但將這一切放在眼裡。
以後每年去旅行，女友都會用盡心思去揀一些價廉物美的行程，然後跟他商量清楚才決定，不想他跟自己過不去兼傷害大家的感情。
今年…
他說要請女友去享受陽光海灘。
可是，節日期間，機位難求，揀到合心意的酒店又有機位的都要多繳上千元的附加費。
女友跟他商量，他竟倒過頭來安慰她說沒問題：錢係賺嚟洗咖嘛，最緊要係可以同你一齊去嘆世界。
雖然甜言物語聽得女友舒服，但上面那段機場不快的回憶即時於腦海浮現。
就在這時，男友問：仲記唔記得舊年旅行嗰陣，我地遇到嗰個鬼佬阿伯呀？
女友答：記得。
他有感而發地說：嗰日同佢坐船出去外島一日遊，睇到佢上落船都要人半推半扶，喺島上面又淨係可以呆坐岸邊睇大家玩水，我就明白到一味諗住儲多啲錢，到退休時至同你去旅行呢個想法唔係幾切實際，應該趁而家我地仲有心情有體力時去。如果唔係，第二日就算有多多錢，但到時體力已經唔可以應付舟車勞頓，咁有乜意思同意義喎？
女友看著眼前人，淚光閃爍，一塊壓在心頭的大石給拿走了。