工作所需,他不時都要到各間豪宅為客戶維修和保養電子保安系統。
這天,正當他完成工作,從下蹲的姿勢站起來之際,唉吔一聲,平滑的頭頂一角不知踫到甚麼,即時冒出血來。
四十來五十歲的女主人見狀,即時跑到藥箱取藥水膠布,一邊走到他身旁一邊撕開貼紙,望著他輕聲地自言自語說:「你真係冇用。」
雖然他覺得女主人這樣說話怪怪的,但仍笑笑口跟她解釋說:「工作時唔小心整傷流啲血係好少事啫,處理好傷口咪得囉,點會話冇用啫…」
他話未說完,女主人已經非常難為情地搶著向他解釋:「我唔係話你冇用呀,我係話自己冇用,撕塊藥水膠布咁小嘅事都手滕腳震咁。」
回家跟老婆談及此事,他有點感觸地說:「女主人睇起來應該冇做嘢好耐,日日坐喺屋企又冇乜世藝,真係好容易鑽牛角尖咖。有錢又好,冇錢都好,都要搵啲嘢嚟做,如果唔係,同社會脫節之餘,重有可能有情緒病添呀!」