102 多元豆蜜 Multi-purpose mung honey

慧儀在香港經濟日報健康版的專欄文章
juliar
文章: 1
註冊時間: 2011-11-05, 20:39

Re: 102 多元豆蜜 Multi-purpose mung honey

文章 juliar »

I love the Multi-purpose Mung Honey! I use it morning and night as a gentle face scrub/cleanser. It keeps my skin lovely and smooth and free of blemishes. During the wet season, I was having trouble with small bumps on my forehead because of the humidity. After a couple of weeks of using the Mung Honey, the bumps cleared up and I have had very few problems with my skin since. It smells super yummy and is a real treat to start the day with. I would highly recommend the Multi-purpose Mung Honey to anyone who wants clear, healthy skin using an affordable, organic product.

strawberry
文章: 3
註冊時間: 2008-01-17, 13:51

Re: 102 多元豆蜜 Multi-purpose mung honey

文章 strawberry »

Hi Amy,

踏入冬季,皮膚好易乾燥, 身體低抗力差,好易有濕疹出現
又紅又痕又少許痛, 我見施姐姐有"多元豆蜜" 推介,我就不防
試下, 每次洗澡時不可用太熱的水, 要用溫和水, 唔係濕疹
位置就會痛同痕癢, 可以用" 多元豆蜜"輕輕按摩全身,
你可在濕疹位置塗厚一點,等待15分鐘,用溫和水沖洗. 第二朝早
起身會發現濕疹位置淺色點同冇甘痕癢, 試左幾日,濕疹位置會
慢慢消失了,最重要都要有充足睡眠!
:lol:

wlhk
文章: 7
註冊時間: 2011-12-19, 21:06

Re: 102 多元豆蜜 Multi-purpose mung honey

文章 wlhk »

Dear Amy, 惠惠..

我有個朋友的姨甥孫成身都是濕疹我現在介紹她用豆蜜,但請問你在天星有沒有得買?

多謝您推介慧儀的多元豆蜜,若您朋友想知多一點如何應用豆蜜於濕疹的部位,可以請她星期日帶同姨甥孫到天星找我。
由於我在天星的檔位只供教育及展覽用途,所以不能銷售或交收。
如果您朋友想買豆蜜,可電郵訂單給我,存款後我會請崔小姐與她交收。 :wink:


惠惠 張慧儀..

wlhk
文章: 7
註冊時間: 2011-12-19, 21:06

Re: 102 多元豆蜜 Multi-purpose mung honey

文章 wlhk »

Amy,我介紹朋友用豆蜜,請看以下內容:

我朋友:我開始用豆蜜洗面,每日一次,皮膚不會覺得乾,看來它也合適我用呀。
    多謝妳的介紹
我答覆:不用客氣最緊要啱用! :P
Wai-wai

惠惠,謝謝您推介豆蜜,讓更多人受惠。 :D

meow meow
文章: 1
註冊時間: 2012-06-27, 23:09

Re: 102 多元豆蜜 Multi-purpose mung honey

文章 meow meow »

喺天星識咗張慧儀,大家都係手作仔,又幾啱key,留咗個電郵畀佢。見佢有豆蜜訂購就訂樽嚟試下。
用喺塊面度,嘩,好乾淨,真係從來都未試過咁乾淨。我沖涼嗰陣攞一個指頭咁多既豆蜜鋪上塊面度,係咁捽係咁捽係咁捽,跟住等一陣,沖身嗰陣時由頭沖到落腳,差不多5分鐘度,沖完個身至洗面。用咗一個禮拜之後就覺得,嘩下,用下用下咁咪有機會去番10年前嗰陣時嗰個樣?而家用咗兩個幾禮拜,覺得都差唔多去到嘞。
第一次幫我老公做mask,佢話:「嘩,好乾淨喎,黑頭都清埋呀。」跟住佢就提議話:「你估搽落個頭又得唔得既呢?」我話:「唔知喎,要問下張慧儀至知喎。」
喺佢個網站度見到有人話用嚟洗頭就又試下。死嘞,沖水嗰陣D頭髮咁糠,咁點算呢?
咁沖完之後我諗住:最多下次唔用啦。但係又唔係喎,梳頭嗰陣時好順滑喎,又冇乜點甩頭髮喎。過咗一兩日之後就好痕,我同張慧儀講起…
佢話:唔係咁樣呀,唔駛用洗頭水同護髮素呀,就咁樣直接用豆蜜就得啦。
咁我咪照佢講,隔日用豆蜜洗頭囉,洗濕咗D頭髮就用豆蜜直接擦佢。
到晏晝個頭乾咗嗰陣時就即刻痕到飛起,但係D頭髮就柔軟咗,稀疏既部位就出咗D幼幼哋既毛毛,嗰陣時用咗大約一個禮拜,隔日用。到而家已經用咗兩個幾禮拜,連我老公都話:「咦咦,你D頭髮真係多咗喎,又黑咗喎。」
佢仲話:「我都好想試呀,呢樽嘢貴唔貴架?」我話:「唔貴,每次收你一百蚊,不過見係你,夫妻價五十蚊啦。」佢話:「咁巴閉?我自己買樽。」
我同佢講:「你咪買囉,你又唔識人。你知唔知呢樽嘢好巴閉,要識人至買到架。」
我好細個D頭髮已經係好稀疏架嘞,係家族遺傳,成家人都係咁,尤其係我。出嚟做嘢之後,我成日電髮,電爆炸頭,電到佢好蓬鬆,咁D頭髮睇起上嚟咪唔覺咁少囉。我決定今年唔電髮,慳番D電髮既錢去買豆蜜。
:roll: :roll:

Catherine
文章: 21
註冊時間: 2008-03-22, 17:46

Re: 102 多元豆蜜 Multi-purpose mung honey

文章 Catherine »

今日幫張小姐送豆蜜同赤萁茶畀訂咗貨既讀者。豆蜜能量高、功效好,我不嬲都知,不過諗都無諗過竟然會有人偷豆蜜,真係奇怪。

事原係我喺港鐵車廂內到達中環站轉車去上環時,成車人落剩我同埋坐喺我隔離個女人,我就話左一袋右一袋論論盡盡咁喺度執緊嘢,但坐我隔離著綠色衫嗰個女人仲坐喺度。我無乜為意佢,淨係有啲奇怪點解佢坐喺度仲唔落車,等我攪掂落車嗰陣,我將其中一個袋揹上左邊膊頭時,個袋就碰到佢,有種怪怪既感覺,但因為趕時間轉車去上環交收,所以就冇理會。到咗上環站交收後,再點算豆蜜時,就發覺用透明膠袋裝住四瓶細嘅豆蜜唔見咗。

豆蜜都偷?我怕佢偷咗都唔識用喎。既然都偷咗咯,但係又唔識點用,不如呼籲該位女士上張小姐嘅網站,睇吓豆蜜點用,無謂嘥咗D咁正嘅豆蜜吖!

5-Jul-12

gleung
文章: 1
註冊時間: 2012-10-31, 10:40

Re: 102 多元豆蜜 Multi-purpose mung honey

文章 gleung »

您好!我第一次接觸豆蜜,已經是幾個月前了,因趕時間而沒有再細心看清楚豆蜜是什麼。我於上星期日因為等外賣而又再一次走進那格仔店裏,由細到大,我的皮膚都沒有大問題,連暗瘡也很少出,可以說是皮光肉滑,在這3,4個月不知出了什麼問題,面上不停地長出暗瘡,我想我這年紀應該不會這樣出暗瘡,由於太嚴重的原故,我只好找皮膚科醫生,食了4星期的抗生素,暗瘡沒有停出,只是好了一點點,而醫生給我的藥膏很乾,暗瘡位置都,脫皮,心情真的很差,繼而是暗瘡印,醫生給了我去印膏,我用了一晚,暗瘡位置就紅了,所以便沒有再用了。而當我再次見到豆蜜,抱著試一試的心態,到今天已用了三天,每天洗面後都當mask用,雖然未見到明顯效果,但希望keep住每天用及食中藥,可以幫到我。我遲點再跟大家報告我嘅情況吧。謝謝張小姐的安排及回覆,麻煩您哦

gleung,您所說的「每天洗面後都當mask用…」是甚麼意思?是用其他洗面奶洗面後才用豆蜜敷嗎?
其實,您可以用有機食物成份的豆蜜作為洗面膏,不過,若有化妝就要先完成落妝程序才可使用豆蜜。

建議使用豆蜜方案:
早上用豆蜜洗面:自額頭至銷骨用清水弄濕,輕輕塗上四分一茶匙份量豆蜜,兩分鐘後洗去即可。注意:千萬別刻意做磨砂。
晚上用豆蜜洗面:若有化妝要先落妝,然後跟上述方法用豆蜜。
隔晚用豆蜜敷面:若有化妝要先落妝,然後跟以下步驟用豆蜜:
一、自額頭至銷骨用清水弄濕;
二、輕輕塗上半茶匙份量的豆蜜;
三、當mask敷5-10分鐘;
四、用清水輕輕洗去豆蜜即可;
五、晚上睡覺若不開冷氣就不用塗潤膚霜。

平日記緊不時一口一口地飲水。

始終,我只能靠您寫的文字了解您的情況,最好的方法是趁我到外推廣豆蜜時來見見面又或報讀活用豆蜜工作坊:wink:

wluk
文章: 2
註冊時間: 2013-02-22, 14:01

Re: 102 多元豆蜜 Multi-purpose mung honey

文章 wluk »

張慧儀小姐, 陸美芳..

很高興認識豆蜜。今天試敷在手背後覚得很滑和白。我會嘗試給小兒用希望可改善他的濕疹和面上的豆豆。
好。使用後若有提問和分享請貼在樓下。 :wink:

陸美芳 張慧儀..

dchung
文章: 2
註冊時間: 2013-02-25, 14:54

Re: 102 多元豆蜜 Multi-purpose mung honey

文章 dchung »

Amy:

我用了在堂上拿到的那一小盒香薰豆蜜來洗頭,覺得好正好正好正。我平日洗頭會用洗頭水和護髮素,但用豆蜜洗頭沒有加護髮都可以。洗完頭頭髮沒有即刻變得柔軟,但又沒有硬到很難梳理。頭髮是有你所講的豆蜜粒粒殘留,但我覺得沒問題,第二天覺得頭髮好清爽,好正。

我的腳面有濕疹,間唔中會痕,聽你說豆蜜可以舒緩濕疹,就用黃豆大的豆蜜搽在腳面濕疹位,半日才洗去,用了三日。今天記起,發覺用了豆蜜之後真的沒有痕。

Debbie

張慧儀
文章: 1621
註冊時間: 2006-05-10, 00:11
聯繫:

Re: 102 多元豆蜜 Multi-purpose mung honey

文章 張慧儀 »


豆蜜用家 meow meow 跟慧儀分享,說自己一向頭髮稀疏,用豆蜜洗頭一段日子之後,長出很多幼髮,現在頭髮變得濃密多了,所以她非常樂意與同事朋友分享她的豆蜜生髮故事。

有頭髮少的同事問她豆蜜是否真的有用,她好心送了一點豆蜜給這位同事。這位同事用過豆蜜,發覺效果很好,訂購了豆蜜全家齊齊用。有朋友見她說得豆蜜這麼好,就送她一包綠豆粉,叫她自己造。

這位同事問meow meow:去邊度買生蜜呀?可唔可以用麥盧卡蜜糖呀?可唔可以用普通蜜糖呀?

我聽 meow meow 講完之後,相信有可能我說得不太清楚,現在再講一次:
第一、 綠豆粉一定要新鮮磨的,不要儲存太久,所以我每一次都是小批量製作;
第二、 所有原材料與生產過程一定要乾淨過乾淨,非常清潔,所以綠豆和生蜜都要是有機的;
第三、 大家若有看我這個討論區都會知道我找生蜜找得很辛苦。
   生蜜在這個地球上愈來愈少,而有機生蜜就更加少。
   現在我為大家造豆蜜每次要訂的生蜜的量都不少,才可以取到一個好一點的價錢,才可以用現在這個價錢賣給大家。

所以,若您自己想在家造豆蜜來玩玩的話,不妨用其他蜜糖,您一定可以造到豆蜜的樣子出來,但您要冒一個險,就是如果您的原材料是污糟的話,您將一些污糟的東西放在一個您有問題的地方,效果就有可能適得其反。

回覆文章